અમદાવાદ ક્રાઈમ બ્રાન્ચે ઓનલાઈન શોપિંગ પ્લેટફોર્મ સાથે છેતરપિંડી કરતી સુરત અને રાજસ્થાનની આંતરરાજ્ય ગેંગના પાંચ સભ્યોને ઝડપી પાડી મોટી સફળતા મેળવી છે. આ ટોળકી મોંઘી વસ્તુઓનો ઓનલાઈન ઓર્ડર આપી, ડિલિવરી સમયે અસલી વસ્તુ કાઢી લઈ તેના બદલે ડમી (નકલી) વસ્તુ મૂકીને પેકેટ પરત કરી દેતી અથવા ડિલિવરી બોય સાથે મળી છેતરપિંડી આચરતી હતી. આ રીતે મેળવેલી કિંમતી વસ્તુઓ તેઓ સસ્તા ભાવે બજારમાં વેચી દેતા હતા. પોલીસે આરોપીઓ પાસેથી ₹20.52 લાખનો મુદ્દામાલ કબજે કર્યો છે અને આ કૌભાંડમાં અન્ય કેટલા લોકો સામેલ છે તે દિશામાં વધુ તપાસ હાથ ધરી છે.