અમદાવાદના બાવળા-બગોદરા હાઈવે પર આવેલા રજોડા ગામ પાસે એક પીકઅપ વાન ચાલકે સ્ટિયરિંગ પરનો કાબૂ ગુમાવતા ગંભીર અકસ્માત સર્જાયો હતો. આ અકસ્માતમાં વાન પલટી ખાઈ જતાં તેમાં સવાર એક જ પરિવારના 4 સભ્યો (2 પુરુષ, 1 મહિલા અને 1 બાળક)ને નાની-મોટી ઈજાઓ પહોંચી હતી. 

  મળતી માહિતી મુજબ, આ પરિવાર પીકઅપ વાન લઈને બાવળાથી મોડાસા તરફ જઈ રહ્યો હતો ત્યારે આ ઘટના બની હતી. અકસ્માત બાદ સ્થાનિકોની મદદથી તમામ ઈજાગ્રસ્તોને તાત્કાલિક સારવાર માટે બાવળા સિવિલ હોસ્પિટલ ખાતે ખસેડવામાં આવ્યા હતા.