અમદાવાદ :ગુજરાતના સુપ્રસિદ્ધ અને ઐતિહાસિક વારસારૂપ મોઢેરા સૂર્ય મંદિર ખાતે આગામી તારીખ ૧૭ અને ૧૮ જાન્યુઆરીના રોજ બે દિવસીય ‘ઉત્તરાર્ધ મહોત્સવ-૨૦૨૬’ યોજાવા જઈ રહ્યો છે. ઉત્તરાયણ પર્વ બાદ સૂર્યનારાયણના સાનિધ્યમાં યોજાતા આ મહોત્સવમાં દેશભરના નામાંકિત કલાકારો પોતાની કલા રજૂ કરશે.

આ મહોત્સવ ભારતીય શાસ્ત્રીય નૃત્ય અને સંગીત પરંપરાને જીવંત રાખવાનો એક પ્રયાસ છે. રાજ્ય સરકારના રમતગમત અને સાંસ્કૃતિક વિભાગ દ્વારા આયોજિત આ કાર્યક્રમમાં મોટી સંખ્યામાં કલાપ્રેમીઓ ઉમટી પડશે.