(વંદના નીલકંઠ વાસુકીયા) વિરમગામ : અમદાવાદ જિલ્લાના માંડલ તાલુકાના ડઢાણા ગામથી ૧.૭૮ કરોડના વિકાસ કામોનું ધારાસભ્ય હાર્દિક પટેલના હસ્તે ભૂમિ પૂજન કરવામાં આવ્યું હતું. જેમાં ૧.૨૮ કરોડના ખર્ચે ડઢાણા-વિંછણ રોડ અને શીણજ ગામના પરા આનંદપુરા ગામે ૫૦ લાખના ખર્ચે એપ્રોચ રોડનું કામ થશે.
    ધારાસભ્ય હાર્દિક પટેલે કહ્યું કે હજુ ગણતરીના દિવસો પહેલા જ રાજ્યના લોકપ્રિય મુખ્યમંત્રી ભુપેન્દ્રભાઈ પટેલે માંડલથી ૫૦૦ કરોડના કામોનું ભૂમિ પૂજન કર્યું છે અને આવનાર ૨ મહિનાના ગાળામાં ડઢાણા આસપાસના ગામોમાં ૧૫ કરોડના ખર્ચે કાનપુરા-શીણજ રોડ, ઝાંઝરવા-ચાંદળકી રોડ, કાનપુરા-ડેડાણા રોડ, ડઢાણા-ઝાંઝરવા રોડ, જાલીસણા-વિંછણ રોડ અને હરિપુરા એપ્રોચ રોડના કામનું ભૂમિ પૂજન થશે. આજના પ્રસંગે માંડલ તાલુકા ભાજપના આગેવાનો, ચૂંટાયેલા જનપ્રતિનિધિઓ તથા ગ્રામજનો ઉપસ્થિત રહ્યા હતા.