અમદાવાદ: અમદાવાદ મ્યુનિસિપલ કોર્પોરેશન દ્વારા શહેરના મિલકત ધારકો માટે મોટી રાહત જાહેર કરવામાં આવી છે. કોર્પોરેશન દ્વારા આજથી એટલે કે ૧ જાન્યુઆરી, ૨૦૨૬થી ૩૧ માર્ચ, ૨૦૨૬ સુધી પ્રોપર્ટી ટેક્સ વ્યાજ માફી યોજના અમલમાં મૂકવામાં આવી છે. આ નિર્ણયથી શહેરની ૧૫ લાખથી વધુ રહેણાંક અને ૭ લાખથી વધુ કોમર્શિયલ મળીને કુલ ૨૨ લાખ જેટલી મિલકતોના ધારકોને સીધો ફાયદો થશે.

 * ક્યાં સુધી અમલી?: ૧ જાન્યુઆરીથી ૩૧ માર્ચ, ૨૦૨૬ સુધી.

 * કોને મળશે ૧૦૦ ટકા માફી?: ચાલી અને ઝૂંપડાવાળી મિલકત ધારકોને વ્યાજમાં ૧૦૦ ટકા એટલે કે સંપૂર્ણ માફી આપવામાં આવશે. આ ઉપરાંત જૂની ફોર્મ્યુલા અંતર્ગત આવતી મિલકતો (રહેણાંક અને કોમર્શિયલ બંને) માટે પણ વ્યાજમાં ૧૦૦ ટકા માફી રહેશે.

 * શરત: આ વ્યાજ માફી સ્કીમ વર્ષ ૨૦૨૫-૨૬ના બાકી પ્રોપર્ટી ટેક્સ માટે લાગુ પડશે નહીં.

 * આવકનો અંદાજ: આ સ્કીમ થકી કોર્પોરેશનને રૂપિયા ૫૦૦ કરોડથી વધુ આવક થવાનો અંદાજ છે.

કયા મહિનામાં કેટલા ટકા વ્યાજ માફી મળશે? : દર મહિને વ્યાજ માફીના ટેક્સમાં પાંચ ટકાનો ઘટાડો થશે, જેનું માળખું નીચે મુજબ છે:

૧. જાન્યુઆરી:

* રહેણાંક મિલકત: ૮૫ ટકા

* કોમર્શિયલ મિલકત: ૬૫ ટકા

૨. ફેબ્રુઆરી:

* રહેણાંક મિલકત: ૮૦ ટકા

* કોમર્શિયલ મિલકત: ૬૦ ટકા