રાજકોટ, તા.૨૩: ક્રાઇમ અને અપરાધીઓની બદલતી દુનિયા સાથે આધુનિક ટેકિનકોનો આવિષ્‍કાર અંગે રાજ્‍ય લેવલની મીની સીબીઆઈ જેવી CID સહિતના મહત્‍વના દેશભરના સિનિયર IPS અધિકારીઓની રાઉન્‍ડ ટેબલ કોન્‍ફરન્‍સ ગાંધીંનગરની વિશ્વિક લેવલની રક્ષા શક્‍તિ યુનિવર્સિટીમાં રાજ્‍યના CID વડા ડો કે એલ એન.રાવના અધ્‍યક્ષસ્‍થાને યોજવામાં આવેલ. જેમાં જેલ સુધારણા અને CID ના કુલ ૨૨ સિનિયર  અધિકારીઓ સહિત કુલ ૨૫ જેટલા દેશ લેવલના શિક્ષણવિદ જોડાયા અને મનોમંથન કરેલ.

ડૉ. કે.એલ.એન. રાવ, IPS, ડીજીપી, CID (ક્રાઇમ & રેલ્‍વે અને સુધારાગળહ પ્રશાસન) એ વિશેષ સંબોધન આપ્‍યું, જેમાં તેમણે ગુજરાતની જેલોમાં સુધારાગળહ પ્રશાસનના હિતધારકોના માનસિક આરોગ્‍ય માટે લેવાતી પહેલોની માહિતી આપી. તેમણે દિવસ-એકથી જ માનસિક પ્રોફાઇલિંગ અને કાઉન્‍સેલિંગ શરૂ થવું જોઈએ એવી દલીલ કરી. તેમણે જણાવ્‍યું ‘સમાજ અપેક્ષા રાખે છે કે કેદી આઘાતજનક પરિસ્‍થિતિમાંથી ‘સામાન્‍ય' બનીને બહાર આવે; આ માનસિક દ્વંદ્વને આપણે દૂર કરવું પડશે. તેમણે ગુજરાતમાં ૪,૦૦૦ નવી સુવિધાઓ ઉમેરીને ક્ષમતા બમણી કરવાની જાહેરાત કરી તથા ‘હર હાથ કો કામ' દ્રષ્ટિ રજૂ કરી-જે હેઠળ મોટાભાગ ધરાવતા અન્‍ડરટ્રાયલ કેદીઓને રોજગાર કાર્યક્રમોમાં જોડીને કેદ દરમિયાન ‘વધુ ગુનાની શીખ' અટકાવવામાં આવશે.

રાષ્‍ટ્રીય રક્ષા યુનિવર્સિટીના માનનીય કુલપતિ પ્રો. (ડૉ.) બિમલ એન. પટેલે ઉદ્ધાટન ભાષણ આપ્‍યું. તેમણે જણાવ્‍યું કે માનનીય પ્રધાનમંત્રીએ સુધારાગળહ પ્રશાસનને એક મહત્‍વપૂર્ણ ખામીવાળા ક્ષેત્ર તરીકે ઓળખ્‍યું છે, કારણ કે ભારતમાં સંશોધન અને ક્ષેત્રકાર્ય બંનેને સંયોજિત કરતી કોઈ વિશિષ્ટ શૈક્ષણિક સંસ્‍થા નથી. તેમણે આધુનિક અભિગમો, અધિકારીઓના કલ્‍યાણ અને આંતરસંસ્‍થાકીય સહયોગની આવશ્‍યકતા પર ભાર મૂકયો, જેથી સુધારાગળહ પ્રણાલીઓ વધુ મજબૂત બને.ઉકત પ્રસંગે વિવિધ નિષ્‍ણાત વક્‍તાઓ દ્વારા અભ્‍યાસપૂર્ણ સંબોધન થયેલ. આભારવિધિ ડીન દ્વારા થયેલ.(૨૩.૮)