વડોદરા જિલ્લામાં સાવલી તાલુકાના સરદારનગર રોડ પર બનેલ ભયાનક દુર્ઘટનામાં મેવલી ગામના રહેતા યુવક ધર્મેન્દ્રસિંહ ચૌહાણનું કરુણ અવસાન થયું છે. ધર્મેન્દ્રસિંહ કંપનીમાંથી પોતાની ફરજ પૂર્ણ કરીને ઘરે પરત ફરી રહ્યો હતો ત્યારે અચાનક એસટી બસે તેને અડફેટે લેતાં ગંભીર અકસ્માત સર્જાયો હતો. સ્થાનીકોની મદદથી ધર્મેન્દ્રસિંહને તરત જ ગંભીર હાલતમાં હોસ્પિટલ લઈ જવામાં આવ્યા હતા, જ્યાં સારવાર દરમિયાન તેમનું મોત નીપજ્યું હતું.