સુરતમાં સગીરાને ધમકી આપતા શખ્સની ધરપકડ કરાઈ છે . આરોપીએ ટ્યૂશન જતી કિશોરીના ગળા પર ચપ્પુ મૂકી ધમકી આપી હતી. મહત્વનું છે કે આરોપી પરવેઝ ઉર્ફે મોહમદ મોઈન આરીફ છેલ્લા કેટલાક સમયથી 17 વર્ષીય કિશોરીને પ્રેમ સંબંધ બાંધવા માટે દબાણ કરી રહ્યો હતો.       આરોપીએ કિશોરીને સોશિયલ મીડિયા પર ફોટો વાયરલ કરવાની ધમકી પણ આપી હતી. જોકે કિશોરીએ ઈનકાર કરતા આરોપી પરવેઝે કિશોરીના ગળા પર ચપ્પુ જેવું હથિયાર મુકીને ધમકી આપી હતી. સમગ્ર મામલે ફરિયાદ નોંધાતા પોલીસે આરોપીની ધરપકડ કરી વધુ કાર્યવાહી હાથ ધરી છે.