છોટાઉદેપુર જિલ્લામાં કમોસમી વરસાદથી ખેડૂતોની આર્થિક રીતે કમર તૂટી છે, પાવીજેતપુર તાલુકાના ખાડિયા, અમાંદર, તારાપુર અને ઉમેરવાના વિસ્તારો કે જ્યાં થોડા જ દિવસ પહેલા ખેતરમાં ડાંગરનો પાક લહેરાતો હતો અને ખેડૂતોને હૈયે હરખ સમાતો હતો નહીં. ખેડૂતોને આશા હતી કે ડાંગરના પાકનું વેચાણ કરીને મહેનતનું ફળ મેળવીશું પરંતુ માવઠાએ ખેડૂતોના સપના અને મહેનત પર પાણી ફેરવી દીધું છે. કમનસીબી કમોસમી વરસાદે એવી તો તબાહી મચાવી છે કે ખેડૂતોને હવે રાતા પાણીએ રોવાનો વારો આવ્યો છે. ખેતી પર નિર્ભર ખેડૂતો પાસે હવે કોઈ વિકલ્પ બચ્યો નથી.