રાજકોટ, તા.૨૦: પોલીસનું નામ પડતા જ લોકોના મનમાં એક અણગમતી વ્‍યક્‍તિની તસ્‍વીરનુ ચિત્ર મનો, ચક્ષુ સમક્ષ ખડું થાય છે, તેમાં લોકોનો પણ વાંક નથી, પોલીસનો એક વર્ગ સીધા સાદા લોકો સાથે જે વર્તન કરે છે, અને જે રીતે અખબારો, ટીવી ચેનલ, સોશયલ મીડીયામાં જે રીતના કારનામાં બહાર આવે છે તેનું આ પરિણામ છે, પરંતુ આ વાત સત્‍ય ખરી પણ અર્ધ સત્‍ય છે. આ વિભાગમાં અધિકારીઓ અને નાનો પોલીસ સ્‍ટાફ લોકો સાથે ખૂબ પ્રેમપૂર્વક વર્તી રહ્યો છે, પણ લોકોનો મોટો અનુભવ જુદો હોવાથી આવી બાબતો ઢંકાઈ જાય છે, તો ચાલો એવા કેટલાક કિસ્‍સો નિહાળીએ કે જે વાંચી મનમાં ટાઢક થાય, આવા તો ઘણા કિસ્‍સા છે તે પૈકી ચોક્કસા કિસ્‍સાઓ જે સોશ્‍યલ મીડિયા પર વાયરલ થયા છે.

રાજકોટના પૂર્વ લોકપ્રિય પોલીસ કમિશનર અને હાલ સુરત પોલીસ કમિશનર તરીકે ફરજ બજાવતા અનુપમસિહ ગેહલોતનો પ્રજા અને પોલીસમાં ખૂબ મોટો પ્રશંસક વર્ગ છે, ગુનેગારોને પોલીસ શુ છે તેનું ભાન કરાવવા સાથે આ IPS માનવીય અભિગમ માટે જાણીતા છે, દીપોત્‍સવી તહેવાર અંતર્ગત પરંપરા મુજબ તેમના પત્‍ની સાથે વૃદ્ધાશ્રમના વડીલો સાથે દિવાળીની ઉજવણી કરવા સાથે સહુને સંધ્‍યાબેન ગેહલોત દ્વારા લાગણીપૂર્વક જાતે પીરસી જમાડ્‍યા, આવી સાચી લાગણી જોઈ એક વળદ્ધ મહિલા રડતા રડતા લાગણીવશ બની માથે હાથ મૂકી આશીર્વાદ આપ્‍યા, અને એ વળદ્ધ માતામાં પોતાના માતાની છબી નિહાળી સંધ્‍યાબેનની આંખોમાંથી અશ્રુ ધારા વહેવા લાગી હતી.

વિશ્વની આર્ટ ગેલેરીઓમાં જેમના ચિત્રો ગુજરાતની આન બાન અને શાન વધારે છે, તેવા CID ક્રાઈમના એડિશનલ ડીજી અજય ચીધરી તથા તેમના પત્‍ની  કે જે ખૂબ સારા સિંગર અને ફેસબુક પર જેમના રીલ ખૂબ જાણીતી છે તેવા દીપશિખાજી સાથે અમદાવાદના બ્રિજ નીચે ઘરવિહોણા બાળકો વચ્‍ચે જઈ દિવાળી ઉજવી, બાળકોને નવા કપડા આપ્‍યાં, મિઠાઈ આપી અને સાથે ફટાકડા પણ ફોડ્‍યા.

રાજકોટ રેન્‍જ ig ટ્રબલ શૂટર ips તરીકે જાણીતા છે, તેથી વધુ માનવીય અભિગમ માટે પણ જાણીતા છે, બનાસકાંઠા કાર્યકાળ દરમિયાન ૧૦૦ નાની દીકરીઓ દતક લીધી હતી, તેમના અભ્‍યાસની જવાબદારી લીધેલ.

મોટા ભાગે એજ ગામમાં પરિવાર સાથે જન્‍મ દિવસ ઉજવે છે. આવા ips અશોક કુમાર યાદવે પણ દીપોત્‍સવી તહેવાર વૃદ્ધાશ્રમમાં ઉજવી તહેવાર સાર્થક કરેલ. આ અધિકારી વડીલોને ખૂબ માનપૂર્વક આવકારી,અન્‍યોને પણ પ્રેરણા આપે છે.

માણસ પારખું અધિકારી એટલે રાજકોટના પૂર્વ ડીસીપી મનોહરસિંહ જાડેજા, ગુન્‍હાહિત માનસ ધરાવતી વ્‍યક્‍તિ માટે જેની ચેમ્‍બરમાં નો એન્‍ટ્રી હતી એવા આ IPS સજ્જન વ્‍યક્‍તિને ઉભા થઈ આવકાર આપવા માટે જાણીતા છે. આવા ips દ્વારા અરવલ્લી જિલ્લાના મેઘરજ તાલુકાનાં અંતરિયાળ ગામમા પોહચી જરૂરિયાતમંદ બાળકો સાથે દિવાળી ઉજવી હતી. આવા જ બીજા કાઠિયાવાડી અધિકારી એટલે કેશોદ એસપી બિપીનચંદ્ર ઠક્કર આ અધિકારીએ પણ આસપાસના શ્રમિકોને પોતાની ઓફિસ પર માનપૂર્વક તેડાવી પોતાના વ્‍યસ્‍ત સમય વચ્‍ચે આદરપૂર્વક મીઠાઈ ટીમ સાથે વિતરણ કરી, કાઠિયાવાડની પરંપરા નિભાવી હતી.આણંદ એસપી ગૌરવ જસાણી દ્વારા પણ જરૂરિયાતમંદ બાળકોની મુલાકાત પોતાના  લાગણીસભર સ્‍વભાવ અંતર્ગત લીધી હતી.