વાપીમાં પ્રેમપ્રકરણને કારણે સર્જાયેલી મારામારીમાં યુવક બાદ યુવતીનું પણ મોત નિપજ્યું છે, જેના કારણે આ કેસમાં બેવડી હત્યાનો ગુનો નોંધાયો છે. આ ઘટનામાં પૂર્વ પ્રેમીએ વર્તમાન પ્રેમી યુગલ પર હુમલો કર્યો હતો. આ મારામારી દરમિયાન યુવકને ચપ્પુના ગંભીર ઘા વાગતા તેનું સ્થળ પર જ મોત થયું હતું. જ્યારે ઇજાગ્રસ્ત યુવતીને ગંભીર હાલતમાં હોસ્પિટલમાં દાખલ કરવામાં આવી હતી, જ્યાં મોડી સાંજે સારવાર દરમિયાન તેણે પણ અંતિમ શ્વાસ લીધા. પોલીસે આ બંને હત્યાને ગંભીરતાથી લઈને વધુ તપાસ હાથ ધરી છે અને આરોપીને પકડવા માટે ચક્રો ગતિમાન કર્યા છે