બનાસકાંઠા,તા.૧૫

બનાસકાંઠા જિલ્લાના ડીસા શહેરમાં એક ભયાનક ઘટના બની,જેમાં ડીસા-પાટણ રુટ પર ચાલતી બસના ચાલકે બાઇકને જોરદાર ટક્કર મારી દીધી.ટક્કર પછી બસચાલક પર નશામાં હોવાનો આરોપ લાગ્યો અને તેણે બાઇકચાલકને ધમકાવવા માટે છરી કાઢી,જેના કારણે ઘટનાસ્થળે તણાવનું વાતાવરણ રચાયું. સ્થાનિક લોકોએ ઝડપથી કાર્યવાહી કરીને બસચાલકને પકડી લઈ પોલીસને સોંપ્યો.

પોલીસે આ ઘટનાની વધુ તપાસ હાથ ધરી છે અને ચાલક વિરુદ્ધ કાર્યવાહીની તૈયારી કરી રહી છે.

મળતી માહિતી અનુસાર,ઘટના ડીસા-પાટણ મુખ્ય રસ્તા પર બપોરે બનેલી.બાઇક પર આવતા એક યુવાનને અચાનક બસચાલકે બસ ચલાવતા જોરદાર ટક્કર મારી, જેના કારણે બાઇકચાલકને ઇજા થઈ અને તે રસ્તા પર પડી ગયો.ટક્કર પછી બસ અટકાવીને ચાલક બહાર આવ્યો અને બાઇકચાલકને મારવાની કોશિશ કરી.તેણે પોતાની જેબમાંથી છરી કાઢીને ધમકી આપી,જેના કારણે આસપાસના લોકોમાં ભયનો માહોલ ફેલાયો.

બસચાલક દારૃ અથવા અન્ય નશાના અસર હેઠળ હતો, સ્થાનિક લોકો અને બાઇકચાલકના સાથીઓ ઘટનાસ્થળે દોડી આવ્યા.તેઓએ બસચાલકને ઘેરી લીધો અને તેને મારવાની કોશિશ કરતા અટકાવી.ત્યારબાદ તેને બાંધીને ડીસા પોલીસ સ્ટેશન ખાતે લઈ જઈ સોંપ્યો. બાઇકચાલકને તાત્કાલિક ૧૦૮ એમ્બ્યુલન્સ દ્વારા નજીકની હોસ્પિટલમાં ખસેડવામાં આવ્યો, જ્યાં તેની સારવાર ચાલી રહી છે.

તેની હાલત સ્થિર છે,પરંતુ તેને હાથ અને પગમાં ફ્રેક્ચર થયાની શંકા છે.ડીસા પોલીસ સ્ટેશનના બસચાલક વિરુદ્ધ કેસ નોંધવામાં આવ્યો છે.બસ ચાલકોને નશા તપાસ માટે નિયમિત ચેકિંગ કરવી જોઈએ.આવી દાદાગીરીથી સામાન્ય લોકોનો જીવ જોખમમાં આવે છે.* આ ઘટના પછી ડીસા-પાટણ રુટ પરની બસ સેવામાં વિલંબ થયો હતો, જેના કારણે મુસાફરોને તકલીફ થઈ આ પ્રકારની ઘટનાઓને રોકવા માટે પોલીસ અને પરિવહન વિભાગે ડ્રાઇવરો માટે વધુ સખત નિયમો અમલમાં મૂકવાની જરૃર છે.