અમદાવાદ,તા.૧૦

આગામી દશેરા ,દિવાળી અને છઠ્ઠ પૂજા દરમ્યાન મુસાફરોની માંગને પહોંચી વળવા પશ્ચિમ રેલ્વેએ ત્રણ જોડી ફેસ્ટિવલ સ્પેશિયલ ટ્રેનો દોડાવવાનો નિર્ણય લીધો છે.

જેમાં મુંબઈ સેન્ટ્રલ - બનારસ એસી સ્પેશિયલ સાપ્તાહિક ટ્રેનના ૧૬ ફેરા તથા વડોદરા - ગોરખપુર સ્પેશિયલ સાપ્તાહિક ટ્રેનના ૨૦ ફેરા રહેશે.મુંબઈ સેન્ટ્રલ - બનારસ ટ્રેન દર બુધવારે રાત્રે ૧૧ઃ૧૦ કલાકે મુંબઈ સેન્ટ્રલથી ઉપડશે અને શુક્રવારે સવારે ૧૦ઃ૩૦ કલાકે બનારસ પહોંચશે. આ ટ્રેન ૧૭ સપ્ટેમ્બર થી ૫ નવેમ્બર સુધી કાર્યરત રહેશે. તેવી જ રીતે બનારસ - મુંબઈ સેન્ટ્રલ સ્પેશિયલ ટ્રેન દર શુક્રવારે બનારસથી બપોરે ૨ઃ૩૦ કલાકે ઉપડશે અને રવિવારે સવારે ૪ઃ૨૦ કલાકે મુંબઈ સેન્ટ્રલ પહોંચશે. આ ટ્રેન ૧૯ સપ્ટેમ્બરથી ૭ નવેમ્બર સુધી કાર્યરત રહેશે. આ ટ્રેનો બોરીવલી, પાલઘર, વાપી, વલસાડ ,સુરત ,વડોદરા, રાયબરેલી, અમેઠી, ભદોહી સહિતના સ્ટેશનો પર બંને દિશામાં રોકાશે. જ્યારે વડોદરા - ગોરખપુર ટ્રેન દર શનિવારે સાંજે ૭ કલાકે વડોદરાથી ઉપડશે અને બીજા દિવસે રાત્રે ૧૧ઃ૩૦ કલાકે ગોરખપુર પહોંચશે. આ ટ્રેન ૨૭ સપ્ટેમ્બર થી ૨૯ નવેમ્બર સુધી કાર્યરત રહેશે.

 તેવી જ રીતે ગોરખપુર - વડોદરા  સ્પેશિયલ ટ્રેન દર સોમવારે ગોરખપુરથી સવારે ૫ કલાકે ઉપડશે અને બીજા દિવસે સવારે ૮ કલાકે વડોદરા પહોંચશે. આ ટ્રેન ૨૯ સપ્ટેમ્બરથી ૧ ડિસેમ્બર સુધી કાર્યરત રહેશે. આ ટ્રેનો ગોધરા, રતલામ ,ગંગાપુર ,કાનપુર ,બાદશાહ નગર, બારાબંકી ,બસ્તી સહિતના સ્ટેશનો પર બંને દિશામાં રોકાશે. આ ઉપરાંત ઓખા -શકુર બસ્તી વચ્ચે સ્પેશિયલ સાપ્તાહિક ટ્રેનના ૨૦ ફેરા રહેશે