દાહોદ શહેર સહિત જિલ્લામાં વહેલી સવારથી ધીમીધારે વરસાદનો દોર યથાવત છે. છેલ્લા 24 કલાક દરમ્યાન સીંગવડમાં સૌથી વધુ 89 મિ.મી. વરસાદ વરસ્યો છે. જ્યારે સંજેલીમાં 75 મિ.મી. અને ઝાલોદમાં 65 મિ.મી. વરસાદ નોંધાયો, દાહોદમાં 61 મિ.મી., દેવગઢ બારિયામાં 50 મિ.મી., લીમખેડામાં 33 મિ.મી. વરસાદ નોંધાયો,   ગરબાડામાં 30 મિ.મી., ફતેપુરામાં 25 મિ.મી., ધાનપુરમાં 18 મિ.મી. વરસાદ ખાબક્યો છે.   વરસાદથી મકાઈ-સોયાબીનના પાકને નુકસાન થવાની ભીતી સેવાઇ રહી છે. હવામાન વિભાગે આગામી 24 કલાક સુધી હળવાથી મધ્યમ વરસાદની આગાહી કરી છે.