અમદાવાદ :હવામાન વિભાગની આગાહી અનુસાર આજે રાજ્યમાં વરસાદી માહોલ રહેશે. ગુજરાતમાં આગામી 7 દિવસ હળવાથી મધ્યમ વરસાદની શક્યતા સેવવામાં આવી છે. હવામાન વિભાગની આગાહી મુજબ આજે મધ્ય અને દક્ષિણ ગુજરાતના શહેરોમાં વરસાદની શક્યતા છે. આ શક્યતાને પગલે હવામાન વિભાગે દક્ષિણ અને મધ્ય ગુજરાત માટે યલો એલર્ટ જાહેર કર્યું છે.દક્ષિણ ગુજરાતના દરિયાકાંઠે 42થી 50 કિમીની ઝડપે પવન ફૂંકાવાની પણ શક્યતા છે.જેના પગલે માછીમારોને 2 દિવસ દરિયો ન ખેડવા સૂચના આપવામાં આવી છે.

બીજી તરફ હવામાન શાસ્ત્રી અંબાલાલ પટેલની આગાહી અનુસાર 28થી 31 ઓગસ્ટ દરમિયાન રાજ્યમાં ભારે વરસાદ પડી શકે છે. હવામાન નિષ્ણાત અંબાલલા પટેલે ઉત્તર ગુજરાતમાં 2થી 4 ઈંચ વરસાદ વરસી શકે છે. જ્યારે મધ્ય અને દક્ષિણ ગુજરાતમાં પણ ભારે વરસાદ સંભાવના છે. તો આગામી 5થી 10 સપ્ટેમ્બર વચ્ચે પણ હળવાથી ભારે વરસાદીની શક્યતા અંબાલાલે વ્યક્ત કરી છે.