પંચમહાલના કાલોલ તાલુકાના નેવરિયા ગામમાં વીજ કેબલની ચોરી થવા પામી છે. ખેતીની વીજળી પૂરી પાડતા વીજ કેબલની ચોરી થઈ છે. 7 કિલોમીટર અંતરમાં આવેલ 50 જેટલા વીજ પોલમાથી વીજ કેબલની ચોરી થઈ છે. મોડી રાત્રીના સમયે અજાણ્યા તસ્કરો વીજ કેબલની ચોરી કરી ફરાર થયા. વીજ કેબલની ચોરીને કારણે આ વિસ્તારના ખેડૂતો મુશ્કેલીમાં મુકાયા છે. કેબલ ચોરી મામલે કાલોલ સબ ડિવિઝન દ્વારા પોલીસ ફરિયાદ નોંધાવવા માટેની તજવીજ હાથ ધરવામાં આવી છે.