તા. ૧૫ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૪ મંગળવાર
તું મારી પત્નીને કેમ જુએ છે? હોમગાર્ડની હત્યા બાદ અમદાવાદમાં તણાવ
વિશ્વ હિન્દુ પરિષદ અને બજરંગ દળે શાહપુર બંધનું એલાન આપ્યું : બંને સંગઠનોએ હોમગાર્ડના પરિવારને ન્યાય અને ડ્રગ માફિયાઓ સામે કાર્યવાહીની માંગ કરી
અમદાવાદ,તા.૨૪: અમદાવાદમાં હોમગાર્ડની હત્યાને લઈને બે પક્ષો વચ્ચે તણાવપૂર્ણ સ્થિતિ સર્જાઈ છે. અમદાવાદના માધુપુરા વિસ્તારમાં નજીવા ઝઘડા બાદ દંપતીએ હોમગાર્ડ પર છરીનો ઘા મારીને તેને ઘાયલ કરી દીધો હતો. બાદમાં, હોસ્પિટલમાં સારવાર દરમિયાન હોમગાર્ડનું મળત્યુ થયું હતું. આ કેસની તપાસમાં બહાર આવ્યું છે કે દિલ્હી ગેટ નજીક બદરુદ્દીન શાહે કિશન શ્રીમાળીને છરી મારી હતી. આ પહેલા તેણે કહ્યું હતું કે, તમે મારી પત્ની સામે કેમ જોઈ રહ્યા છો? પોલીસના જણાવ્યા અનુસાર, આ ઘટના જાવેદ સીઝનલ સ્ટોર પાસે બની હતી. કિશન શ્રીમાળી શાહપુર પોલીસ સ્ટેશનમાં હોમગાર્ડ તરીકે ફરજ બજાવતો હતો. હિન્દુ હોમગાર્ડની હત્યાના મામલે વિશ્વ હિન્દુ પરિષદ અને બજરંગ દળે શાહપુર બંધનું એલાન આપ્યું છે. હિન્દુ સંગઠનોએ બુધવારે પણ પ્રદર્શન કર્યું હતું, જોકે, પોલીસે આરોપી બદરુદ્દીનની તેની પત્ની સાથે ધરપકડ કરી છે. આ સનસનાટીભરી ઘટના મંગળવારે રાત્રે બની હતી.
વિએચપી અને બજરંગ દળે આજે ૨૪ જુલાઈએ શાહપુર બંધનું એલાન આપ્યું છે. પોલિસ એલર્ટ પર છે. બંને સંગઠનોએ હોમગાર્ડના પરિવારને ન્યાય અને ડ્રગ માફિયાઓ સામે કાર્યવાહીની માંગ કરી છે. પ્રારંભિક તપાસમાં બહાર આવ્યું છે કે આ ઘટના સંયોગથી બની છે. આ ઘટનાના CCTV ફૂટેજ પણ સામે આવ્યા છે. માહિતી મળી છે કે જાવેદ સીઝનલ સ્ટોર પાસે બદરુદ્દીને કિશનને પૂછયું કે તું મારી પત્નીને કેમ જોઈ રહ્યો છે? આ બાબતે બંને વચ્ચે ઝઘડો થયો હતો. એવો આરોપ છે કે નીલમ અને બદરુદ્દીને કિશન રસ્તા પર આવવાની ધમકી આપી હતી. પહેલા બદરુદ્દીને કિશનને થપ્પડ મારી હતી અને પછી રસ્તા પર જઈને કિશનને પેટની ડાબી બાજુ છરી મારી હતી. હુમલા બાદ બદરુદ્દીન નીલમ સાથે ભાગી ગયો હતો. હોમગાર્ડનું સારવાર દરમિયાન મળત્યુ થયું હતું.
બદરુદ્દીન વિરુદ્ધ ૧૪ અલગ અલગ ગુના નોંધાયેલા છે અને નીલમ વિરુદ્ધ લૂંટનો કેસ પણ નોંધાયેલો છે. નીલમ પ્રજાપતિએ વિજુ સિંધી નામના વ્યક્તિ દ્વારા બદરુદ્દીનનો સંપર્ક કર્યો હતો. અમદાવાદ ક્રાઈમ બ્રાન્ચના પોલીસ ઈન્સ્પેક્ટર વી બી ઓલે જણાવ્યું હતું કે નીલમ પ્રજાપતિ તેના પહેલા લગ્નથી જ વિજુ સિંધીના સંપર્કમાં હતી. પોલીસે ગુનો નોંધીને વધુ તપાસ શરૂ કરી છે. (૪૦.૧૨)
(10:29 AM IST)
છેલ્લા 8 દિવસમાં સૌથી લોકપ્રિય 
