બનાસકાંઠામાં જિલ્લામાં ફરી એક વખત વરસાદે ધમાકેદાર બેટિંગ શરૂ કરી છે. બનાસકાંઠાના દાંતીવાડામાં સૌથી વધુ છ ઇંચ જેટલો વરસાદ ખાબક્યો છે. લાંબા સમયના વિરામ બાદ, ગત મોડી રાત્રે દાંતીવાડા પંથકમાં મેઘરાજાની ધમાકેદાર એન્ટ્રી થઈ હતી. દાંતીવાડા, પાંથાવાડા સહિતના વિસ્તારોમાં ધોધમાર વરસાદ વરસ્યો છે. દાંતીવાડામાં 6 ઇંચ વરસાદથી નીચાણ વાળા વિસ્તારોમાં પાણી ભરાઈ ગયા છે. ધોધમાર વરસાદથી જનજીવન પ્રભાવિત થવા પામ્યું છે