અમદાવાદ : રાજ્યમાં છેલ્લા 24 કલાકમાં 101 તાલુકામાં વરસાદ નોંધાયો છે. જેમાં સૌથી વધુ સાબરકાંઠાના તલોદમાં 2 ઈંચ વરસાદ ખાબક્યો છે. કચ્છના માંડવીમાં 1.6 ઈંચ વરસાદ, ધોળકામાં 1.26 ઈંચ, માણસામાં 1.2 ઈંચ, ભિલોડામાં 1.2 ઈંચ, ડોલવણમાં 1.14 ઈંચ વરસાદ તો 24 કલાકમાં અન્ય તાલુકામાં છુટો છવાયો વરસાદ પડ્યો છે.

   ગઈકાલે સૌરાષ્ટ્ર, દક્ષિણ ગુજરાત અને મધ્ય ગુજરાતમાં ધોધમાર વરસસાદ વરસ્યો છે. વરસાદ પડતા લોકો ભારે હાલાકીમાં મુકાયા છે. ધંધા-રોજગાર પર જતા લોકોને ભારે અગવડતા પડી છે. જેમાં છેલ્લા 24 કલાકમાં 9 તાલુકામાં 1 ઈંચથી વધુ વરસાદ થયો છે.