ડાંગના ગીરા નદીના કેચમેન્‍ટ એરિયામાં લીલીછમ વનરાજી સાથે વહેતી નદીનું વહેણ જાણે વન દેવીના ગળામાં પહેરેલા સોનાના હાર જેવું પ્રતિત થાય છે. ધોધ પહેલા યુટર્ન પોઇન્‍ટનો આ નજારો અદભૂત છે. જે અહીંના લોકોમાં વન દેવીના નેકલેસ તરીકે જાણીતો છે. આ સ્‍થળે વન વિભાગ દ્વારા વ્‍યૂહ પોઇન્‍ટ કુટિર, શૌચાલય, ચા-નાસ્‍તાનો સ્‍ટોલ સહિત પીકનીક સ્‍પોટ વિકાસ કર્યો છે. આ સ્‍થળ સુરતથી ૭૦ કિ.મી.ના અંતરે આવેલું છે.