રાજકોટ, તા. ર૩: સુરતના કે.પી. ગ્રુપ તેમજ પી.પી. સવાણી ગ્રુપ સંગાથે ‘ચારધામ' તેમજ ‘ઉમરાહ' પ્રવાસ અંતર્ગત ગતરોજ મીટીંગ યોજવામાં આવી હતી જયારે તેમથી તા. ૨૦/૬/૨૦૨૫ રોજ નાત-જાતના ભેદભાવ વગર હિન્‍દુ તમામ જ્ઞાતિના ૩૦૦ ગંગા સ્‍વરૂપ બહેનો પૈકી દ્રિતીય ટુર ‘ચારધામ યાત્રા' રવાના થયા.

આ યાત્રાનો ઉદ્દેશ પી.પી. સવાણી ગ્રુપમાં લગ્ન થયેલી દીકરીના ગંગા સ્‍વરૂપ માતા તેમજ સાસુ વચ્‍ચેનો સંબધને વધુ ગાઢ બનાવા માટેનો છે જેથી કરી આ તમામ દીકરીઓના લગ્ન જીવન વધુ મજબુત બની રહે.

આજ રોજ સવારે ૯ કલાકે પી.પી. સવાણી ગ્રુપના મહેશભાઈ સવાણી ઉપસ્‍થિત રહી ઉધના રેલ્‍વે સ્‍ટેશનથી તાપ્તીગંગા એક્ષપ્રેસ સ્‍લીપર કોચમાં તમામ બહેનોને વ્‍યવસ્‍થિત બેસાડી દીકરીઓ દ્વારા ફૂલહાર અને કંકુ-તિલક કરી ખુશ ખુશાલ રવાના કરવામાં આવ્‍યા હતા. જેમાં પ્રયાગરાજ, અયોધ્‍યા, વારાણસી, છપૈયા જેવી અનેક ધાર્મિક સ્‍થળોએ ૬ દિવસ રહેવા-જમવાની તમામ વ્‍યવસ્‍થા અગાઉથી કરી રાખવામાં આવી છે