બનાસકાંઠા જિલ્લામાં રીંછના હુમલાની ઘટના સામે આવી છે. દાંતાના ગાજીપુર ગામમાં ખેડૂત પર રીંછે હુમલો કર્યો છે. ખેતરમાં કામ કરી રહેલો ખેડૂત રીંછના હુમલાનો ભોગ બન્યો. રીંછના હુમલામાં ખેડૂતને ગંભીર ઈજાઓ પહોંચી છે. ખેડૂતો બૂમાબૂમ કરતા રીંછ ભાગી છૂટ્યો હતો. ઈજાગ્રસ્ત ખેડૂતને દાંતાની રેફરલ હોસ્પિટલમાં દાખલ કર્યા બાદ વધુ સારવાર માટે પાલનપુર સિવિલ હોસ્પિટલમાં ખસેડાયો છે. રીંછના હુમલા બાદ ગામમાં ભયનો માહોલ ફેલાયો છે.