(વિજય વસાણી દ્વારા) ગાંધીનગર, તા.૬: વડાપ્રધાન નરેન્‍દ્ર મોદીના પર્યાવરણીય વિઝનથી પ્રેરિત થઈને સેવ અર્થ મિશને ‘એક પેડ મા કે નામ - નરેન્‍દ્ર મોદી' અભિયાન હેઠળ ૫,૦૮,૬૦૦ વળક્ષો વાવીને અને દત્તક લઈને ગિનિસ બુકમાં વર્લ્‍ડ રેકોર્ડ બનાવવાનો ગઈ કાલે ઐતિહાસિક પ્રયાસ કર્યો છે.

આ અભિયાનની વિશેષતા એ હતી કે માત્ર છોડ વાવવામાં આવ્‍યા ન હતા, પરંતુ દરેક છોડને દત્તક લેવાની પ્રતિજ્ઞા પણ લેવામાં આવી હતી, જેથી આગામી વર્ષો સુધી તેમની સંભાળ સુનિﾍતિ કરી શકાય.

આ મેગા ઝુંબેશ ૫ જૂન ૨૦૨૫ ના રોજ સવારે ૯:૦૦ થી ૧૦:૦૦ વાગ્‍યા સુધી દેશના ૩૬ રાજ્‍યો અને કેન્‍દ્રશાસિત પ્રદેશોમાં એક સાથે ચલાવવામાં આવી હતી.

આ મેગા ઝુંબેશમાં માત્ર એક કલાકમાં ૫,૦૮,૬૦૦ વળક્ષો વાવી ગિનિસ બુકમાં વર્લ્‍ડ રેકોર્ડ નોંધાવ્‍યો હતો.

સેવ અર્થ મિશન દ્વારા આગામી ૨૦૪૦ સુધીમાં પુરા વિશ્વમાં ૩૦૦૦ કરોડ વળક્ષો વાવવામાં આવશે.

આ ઐતિહાસિક સફળતામાં સેવ અર્થ મિશનના રાષ્‍ટ્રીય પ્રમુખ સંદીપ ચૌધરી (ઇન્‍ડિયા ચેપ્‍ટર),મનમોહન અગ્રવાલ, ૭ વખત ગિનિસ રેકોર્ડ ધારક અને આંતરરાષ્‍ટ્રીય રાજદૂત - વર્લ્‍ડ રેકોડર્સ, ડો. સી.કે. ઉનડકટ, ઇન્‍ટરનેશનલ એન્‍વાયરમેન્‍ટ એમ્‍બેસેડર - સેવ અર્થ મિશન, ડો. અજય દેસાઈ, આંતરરાષ્‍ટ્રીય સલાહકાર-કોર્પોરેટ અને સસ્‍ટેનેબિલિટી અફેર્સ અને સેવ અર્થ મિશનની સમર્પિત ટીમો અને સ્‍પાર્ટન સ્‍વયંસેવકોનું નોંધપાત્ર યોગદાન રહ્યુ હતુ.