અમદાવાદ :ગુજરાતમાં કોરોના વાઈરસના કેસમાં દિવસેને દિવસે વધારો થઈ રહ્યો છે. ગુજરાતમાં છેલ્લા 24 કલાકમાં કોરોના વાયરસના 167 કેસ નોંધાયા છે. રાજ્યમાં કોરોનાના 15 દર્દીઓ હોસ્પિટલમાં સારવાર હેઠળ છે. તો બીજી તરફ 600 દર્દીઓ હોમ આઈસોલેશનમાં છે. ગુજરાતમાં એક્ટિવ કેસનો આંકડો 615 પર પહોંચી ગયો છે.

મળતી માહિતી મુજબ, રાજ્યમાં આજે કોરોનાના નવા  167 કેસ નોંધાયા છે. કોવિડ-19ના નવા 167  કેસ સાથે કુલ 615 કેસ થયા છે. ગુજરાતમાં કોરોનાના 615 કેસમાંથી 15 દર્દીઓ હોસ્પિટલમાં સારવાર હેઠળ છે. કોરોના સંક્રમિત 600 દર્દીઓને હોમ આઈસોલેશનમાં રાખવામાં આવ્યા છે. 60 દર્દીઓને સારવાર બાદ ડિસ્ચાર્જ કરવામાં આવ્યા છે

ગુજરાતમાં કોરોના વાયરસના કેસો વધવા એ ચિંતાનો વિષય છે. રાજ્યમાં કોરોનાના કેસો સતત વધારો જોવા મળી રહ્યો છે. ત્યારે ગુજરાત સરકારે જનતાને સાવચેતી રાખવા માટે અપીલ કરી છે. અમદાવાદની વાત કરવામાં આવે તો અસરવા સિવિલમાં કોરોના દર્દીઓની સંખ્યા ખુબ જ વધુ જોવા મળી રહી છે. ભીડવાળા વિસ્તારમાં માસ્ક પહેરીને જવુ જોઇએ, લોકો સાથે અંતર જાળવી રાખીને વાતચીત કરવી વગેરે જેવા સૂચનો રાજ્ય સરકારે કર્યા છે. ત્યારે આ કોરોનાની લહેરથી બચવા માટે ગાઇડ લાઇનનું પાલન કરવું અપીલ કરાઇ છે.