કડી વિધાનસભાની ખાલી પડેલી બેઠક માટે પેટા ચૂંટણીની જાહેરાત કરવામાં આવી છે. આ પેટા ચૂંટણી લક્ષી જાહેરનામું પ્રસિધ્ધ કરવામાં આવ્યું છે. જે ચૂંટણીમાં ઉમેદવારી કરવા માટેના નામાંકન ફોર્મ 26 મે થી 2 જૂન સુધીમાં મેળવી લઈ સંપૂર્ણ માહિતી ભરીને પહોંચાડવાના રહેશે.

આ દરમિયાનમાં તારીખ 26 મી ના રોજ કુલ 6 ઉમેદવારી માટેના ફોર્મ દાવેદારો લઈ ગયા હતા. તેમજ તારીખ 27 મી ના રોજ વધુ 15 જેટલા નામાંકન ફોર્મ વિતરણ કરવામાં આવ્યા હતા. આમ, છેલ્લા બે દિવસમાં કડી વિધાનસભા બેઠકની પેટા ચૂંટણીમાં લડી લેવાના મૂડ સાથે કુલ 21 જેટલા નામાંકન ફોર્મ દાવેદારો લઈ ગયા હતા. ઉલ્લેખનીય છે કે, કડીના ધારાસભ્ય કરસન સોલંકીનું અવસાન થતાં તેમની ખાલી પડેલી બેઠક પર પેટા ચૂંટણી જાહેર થઈ છે.