અમદાવાદ: રાજ્યમાં કાળઝાળ ગરમી વચ્ચે આજે વહેલી સવારથી બપોર સુધીમાં અકાળ વરસાદે દસ્તક દીધી છે. દક્ષિણ ગુજરાત અને સૌરાષ્ટ્રના અનેક જિલ્લાઓમાં મેઘ મહેર જોવા મળી છે, જેમાં ભરુચ જિલ્લાના અંકલેશ્વરમાં માત્ર અઢી કલાકના ગાળામાં ૨.૦૯ ઇંચ જેટલો નોંધપાત્ર વરસાદ પડ્યો છે. આ અણધાર્યા વરસાદથી ખેડૂતોમાં ચિંતા વ્યાપી છે, જોકે ગરમીથી લોકોને આંશિક રાહત મળી છે.
આજે 21 મે, 2025ના રોજ સવારે ૬ વાગ્યાથી બપોરના ૧૨ વાગ્યા સુધીના છેલ્લા છ કલાકના સમયગાળામાં રાજ્યના ૪૦ થી વધુ તાલુકાઓમાં વરસાદ નોંધાયો છે. સૌથી વધુ વરસાદ ભરુચના અંકલેશ્વરમાં ૨.૦૯ ઇંચ, ત્યારબાદ અમરેલીના સાવરકુંડલામાં ૧.૫૪ ઇંચ અને સુરતના ઉમરપાડામાં ૧.૪૬ ઇંચ વરસાદ પડ્યો છે. ભરુચના ઝઘડિયામાં ૧.૨૬ ઇંચ અને હાંસોટમાં ૧.૧૮ ઇંચ વરસાદ નોંધાયો છે.
ગીર સોમનાથના તાલાલામાં ૧.૧૪ ઇંચ વરસાદ પડ્યો છે, જ્યારે ભાવનગરના જેસરમાં ૦.૮૭ ઇંચ, સુરત સિટીમાં ૦.૬૩ ઇંચ અને ભાવનગરના તળાજામાં ૦.૫૯ ઇંચ વરસાદ નોંધાયો છે. ભરુચ અને બારડોલીમાં પણ ૦.૫૫ ઇંચ વરસાદ પડ્યો છે. અમરેલીના ધારી, રાજુલા અને તાપીના સોનગઢમાં ૦.૫૧ ઇંચ વરસાદ નોંધાયો છે.
આ ઉપરાંત, તાપીના ડોલવણ (૦.૩૫ ઇંચ), અમરેલીના ખાંભા (૦.૩૧ ઇંચ), નવસારીના જલાલપોર (૦.૩૧ ઇંચ), અમરેલીના લીલીયા (૦.૨૮ ઇંચ), ભાવનગરના ગારીયાધાર અને પાલીતાણા (૦.૨૦ ઇંચ), નર્મદાના દેડીયાપાડા (૦.૨૦ ઇંચ), ભરુચના વાલીયા (૦.૨૦ ઇંચ) અને નવસારીના ગણદેવી (૦.૨૦ ઇંચ) માં પણ છૂટોછવાયો વરસાદ નોંધાયો છે.
અમરેલીના જાફરાબાદ, ભરુચના વાગરા અને નેત્રંગમાં ૦.૧૬ ઇંચ, અમરેલીના બગસરા, વલસાડના ધરમપુર અને તાપીના ઉચ્છલ માં ૦.૧૨ ઇંચ વરસાદ નોંધાયો છે. ભાવનગરના મહુવા (૦.૦૮ ઇંચ), નર્મદાના સાગબારા (૦.૦૮ ઇંચ), સુરતના માંડવી (૦.૦૮ ઇંચ), ડાંગ-આહવા (૦.૦૮ ઇંચ), નવસારી (૦.૦૮ ઇંચ) અને ગીર સોમનાથના ઉના (૦.૦૮ ઇંચ) માં પણ હળવો વરસાદ પડ્યો છે. જૂનાગઢ શહેર અને ગ્રામ્ય વિસ્તારોમાં ૦.૦૪ ઇંચ, સુરતના કામરેજ, ચોર્યાસી અને મહુવામાં ૦.૦૪ ઇંચ અને ગીર સોમનાથના કોડીનારમાં પણ ૦.૦૪ ઇંચ વરસાદ નોંધાયો છે.
આ અકાળ વરસાદે ખેડૂતોમાં ચિંતા જગાવી છે કારણ કે ઊભા પાકને નુકસાન થવાની ભીતિ છે. જોકે, ગરમીથી ત્રાહિમામ પોકારી ગયેલા લોકોને આ વરસાદથી થોડી રાહત મળી છે. હવામાન વિભાગે આગામી કલાકોમાં વધુ વરસાદની આગાહી કરી છે, જેના પગલે તંત્રને એલર્ટ રહેવા સૂચના આપવામાં આવી છે.