અમદાવાદ,તા.૦૩: શહેરમાં રહેતી યુવતીએ લગ્નના પાંચ વર્ષ વીતિ ગયા બાદ સાસરિયાઓ સામે પોલીસ ફરિયાદ નોંધાવી છે. સાસરિયાઓએ ૫૦ લાખથી વધુનું દહેજ લઇને પરિણીતાને માનસિક-શારીરિક ત્રાસ આપ્‍યો હતો. સાસરિયાઓએ વધુ દહેજની માગણી કરી હતી. સોશિયલ મીડિયા પર કયા ફોટા અપલોડ કરવા તે નણંદ નક્કી કરતી અને સાસરિયાઓને ચઢામણી કરતી હતી. સાસુ-સસરાએ સવારે ૭થી રાત્રે ૧૧ સુધીના કામનું લેખિત શિડ્‍યૂલ આપ્‍યું હતું, તે પાલન ન થાય તો ગાળો બોલતા હતા. પતિ પણ દારૂ, ચરસ-ગાંજાના રવાડે ચડી ગયો હતો અને પરિણીતાને મારતો હતો. આખરે કંટાળેલી પરિણીતાએ પોલીસની મદદ માગતા મહિલા પﾍમિ પોલીસે ગુનો નોંધી તપાસ શરૂ કરી છે.

નારણપુરામાં રહેતી ૩૦ વર્ષીય યુવતીના વર્ષ ૨૦૨૦માં લખનઉના યુવક સાથે લગ્ન થયા હતા. લગ્ન સમયે યુવતીના સાસરિયાઓએ ૨૫ લાખના દાગીના, પતિ માટે ૨૧ લાખ, હીરાની વિંટી, સોનાની ચેઇન, બ્રેસલેટ, બ્રાન્‍ડેડ સૂટ-કપડાં, ઘડિયાળ અને અન્‍ય ભેટ માટે ૫ લાખ તથા સાસુ-સસરા અને નણંદ માટે ૫૦૦ ગ્રામના સોનાના સિક્કાની માગણી કરી હતી. યુવતીના પિતાએ આ દહેજ આપવાની વાત સ્‍વીકારીને દોઢ કરોડના ખર્ચે દીકરીના લગ્ન કરાવ્‍યા હતા. તેમ છતાં પરિણીતાના લગ્ન બાદ સાસરિયાઓએ માગ્‍યા મુજબનું દહેજ નથી આપ્‍યું તેમ કહીને ત્રાસ આપવાનું શરૂ કર્યું હતું. સાસુએ પણ દાગીના સાચવવાનું કહીને પોતાની પાસે રાખીને પચાવી પાડ્‍યા હતા જ્‍યારે પરિણીતાની નણંદ ઘરનું સંચાલન, નવી વસ્‍તુઓ લેવી, તહેવારમાં કપડાં પહેરવા, મકાન ભાડું, સોશિયલ સાઇટ પર કયા ફોટો અપલોડ કરવા તે નિર્ણય લઇને ચઢામણી કરતી હતી.

સાસુ-સસરાએ સવારે ૭થી રાત્રે ૧૧ સુધીનું રોજીંદા કામનું લેખિત શિડ્‍યૂલ પરિણીતાને આપ્‍યું હતું. પરિણીતાથી કયારેક તે શિડ્‍યૂલનું પાલન ન થાય તો ગાળો બોલતા હતા. પરિણીતાનો પતિ પણ દારૂ-ચરસ ગાંજાના રવાડે ચડીને અસહ્ય નશો કરતો હતો. એક દિવસ પતિએ માર મારતા પરિણીતાને ત્રણ દિવસ સુધી સારવાર લેવી પડી હતી. પરિણીતાના પતિએ મુંબઇમાં ફ્‌લેટ લેવા સસરાનો ગાંધીનગરનો ફ્‌લેટ વેચીને નાણાં લાવવા મજબૂર કરી હતી. મુંબઇના બારમાં પણ નશામાં ધૂત થઇને લોકો સામે પતિએ ઝઘડો કર્યો હતો. પતિ નશામાં ચૂર હોવાથી પરિણીતાએ ગાડી ચલાવવાની મનાઇ કરતા લોકો સામે ગાળો બોલીને એકલી મૂકીને રિક્ષામાં જતો રહ્યો હતો. આ પ્રકારના ત્રાસથી કંટાળીને પરિણીતાએ હેલ્‍પલાઇન પર ફોન કર્યો હતો. અંતે મહિલા પﾍમિ પોલીસે આ મામલે ગુનો નોંધી તપાસ હાથ ધરી છે.