અમદાવાદ,તા.૨૬: અમદાવાદમાંએક યુવકની હત્યા કરવામાં આવી છે. જ્યારે પોલીસ કંટ્રોલ રૃમ વાહન થોડા અંતરે પાર્ક કરવામાં આવ્યું હતું. આ દરમિયાન પીસીઆરમાં હાજર અધિકારીઓ ખાટલા પર આરામથી સૂતા હતા. સૂતેલા પોલીસ અધિકારીઓનો વીડિયો વાયરલ થયા બાદ તેમની સામે તપાસ શરૃ કરવામાં આવી છે. અમદાવાદમાં સોમવારે રાત્રે બે યુવકો પર અજાણ્યા હુમલાખોરોએ હુમલો કર્યો હતો, જેમાંથી એકનું ઘટનાસ્થળે જ મોત થયું હતું. જ્યારે અન્ય એક વ્યક્તિ ગંભીર હાલતમાં હોસ્પિટલમાં દાખલ છે.

સ્થળ પર એકઠા થયેલા સ્થાનિક લોકોએ જોયું કે નજીકમાં પોલીસનું પીસીઆર વાહન પાર્ક હતું, જેમાં અધિકારીઓ ખાટલા પર સૂતા હતા, તેઓને યુવકની હત્યાની જાણ નહોતી. ગુસ્સે ભરાયેલા ગ્રામજનોએ પોલીસ કર્મચારીઓને જગાડ્યા, તેમનો મુકાબલો કર્યો અને એક વીડિયો રેકોર્ડ કર્યો, જે હવે સોશિયલ મીડિયા પર વાયરલ થઈ રહ્યો છે. ટ્વિટર પરના એક વીડિયો પર પ્રતિક્રિયા આપતાં અમદાવાદ પોલીસે જણાવ્યું હતું કે, "આ મામલે જવાબદાર પોલીસ કર્મચારીઓ સામે કાર્યવાહી ચાલી રહી છે."

અધિકારીઓએ જણાવ્યું કે પીસીઆર ડ્યુટી પર તૈનાત પોલીસકર્મીઓ સતર્ક રહે, પેટ્રોલિંગ કરે, કટોકટીમાં પ્રતિક્રિયા આપે અને જાહેર સલામતી જાળવે. નરોડાના રહેવાસીઓ વિજય ઉર્ફે વિશાલ શ્રીમાળી અને પ્રિયેશ નામના બે યુવકોએ છ લોકોના જૂથ દ્વારા કરવામાં આવેલા દુર્વ્યવહારનો વિરોધ કર્યો ત્યારે આ હત્યા થઈ હતી.

આ બાબતે તેમની વચ્ચે બોલાચાલી થઈ હતી અને એક આરોપી જેસીંગ સોલંકીએ વિજયને છાતીમાં ઘા માર્યો હતો. તેને બચાવવા જતાં પ્રિયેશ ગંભીર રીતે ઘાયલ થયો હતો. વિજયનું ઘટનાસ્થળે જ મોત નીપજ્યું હતું અને પ્રિયેશને સારવાર માટે હોસ્પિટલમાં ખસેડાયો હતો. જ્યાં તેની સારવાર ચાલી રહી છે. છરાબાજીમાં સામેલ બે લોકો સહિત અત્યાર સુધીમાં કુલ છ આરોપીઓની ધરપકડ કરવામાં આવી છે.