રાજકોટ તા.૨૫ ; ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા માન્યતા પ્રાપ્ત તમામ માધ્યમિક શાળાઓના આચાર્યશ્રીઓને જણાવવામાં આવે છે કે ધોરણ-9ના વિદ્યાર્થીઓની પ્રતિભા બહાર લાવવા માટે આયોજિત થતી પ્રખરતા શોધ કસોટી ચાલુ વર્ષે તા.30/01/2025ના રોજ લેવામાં આવેલ હતી. આ પ્રખરતા શોધ કસોટી-2025(TST)માં મેરીટ(પર્સેન્ટાઇલ રેન્ક)ના આધારે રાજ્યના પ્રથમ 1000 વિદ્યાર્થીઓની યાદી તા.25/03/2025ના રોજથી બોર્ડની વેબસાઇટ gseb.org પર મૂકવામાં આવેલ છે. પરીક્ષા આપેલ તમામ વિદ્યાર્થીઓના ગુણ પત્રકો અને મેરીટ યાદીમાં સમાવેશ થયેલ વિદ્યાર્થીઓના પ્રશસ્તિપત્ર સંબંધિત શાળાઓને મોકલી આપવામાં આવશે. આ બાબતની તમામ સંબંધિતોએ નોંધ લેવા ડી.એસ.પટેલ સંયુકત નિયામક (પરીક્ષા) ગુજરાત માધ્યમિક અને ઉચ્ચતર માધ્યમિકની યાદીમાં જણાવાયું છે.