( ભરત શાહ દ્વારા ) નર્મદા:ખેલ મહાકુંભ ૩.૦ અંતર્ગત નર્મદા જિલ્લા કલેક્ટર એસ.કે.મોદીની રાહબરીમાં જિલ્લા રમત વિકાસ અધિકારીની કચેરી દ્વારા વિવિધ તબક્કે સ્પર્ધાઓ યોજાઈ રહી છે. જે અંતર્ગત આજે તા.૯ જાન્યુઆરી-૨૦૨૫ને ગુરૂવારના રોજ નાંદોદ, તિલકવાડા, દેડીયાપાડા, સાગબારા અને ગરુડેશ્વરમાં તાલુકાકક્ષા ખેલ મહાકુંભ અંતર્ગત ખો ખોની સ્પર્ધા યોજાઈ હતી. જેમાં મોટી સંખ્યામાં ખેલાડીઓએ ઉત્હાસભેર ભાગ લીધો હતો.
આ પ્રસંગે નર્મદા જિલ્લા રમતગમત અધિકારી દિનેશભાઈ ભીલએ ઉપસ્થિત રહીને ખેલાડીઓને પ્રોત્સાહિત કર્યાં હતા. તાલુકા કક્ષાની સ્પર્ધાઓની વિજેતા ટીમો આગામી સમયમાં જિલ્લા કક્ષાએ ભાગ લેશે.