(ભરત શાહ દ્વારા ) નર્મદા:રાજપીપળા શહેરમાં આવેલા પ્રખ્યાત હરસિધ્ધિ મંદિર સામેની લારીઓ હટાવ્યા બાદ રાજકારણ ગરમાયું હતું અને દેડિયાપાડા ધારાસભ્ય ચૈતર વસાવા સહિત કેટલાક આગેવાનો પણ આ મુદ્દે સામે આવ્યા અને લારી વાળાઓની રોજીરોટી ના છીનવાય એ બાબતે પાલિકામાં રજૂઆત કરી હતી જોકે પહેલેથી નર્મદા કલેક્ટરનો આદેશ હતો કે ત્યાંથી લારીઓ હટાવી યોગ્ય માર્કિંગ કરી ત્યારબાદ ત્યાં લારી વાળા ને જગ્યા આપવી અને એ મુજબ પાલિકાએ પણ કલેક્ટરના આદેશનું પાલન કર્યું હતું અને હાલમાં આ જગ્યા પર પીળા પટ્ટા પાડવામાં આવ્યા
જોકે આ માટે ધારાસભ્ય ચૈતર વસાવા સહિતના આગેવાનોએ લારી વાળા ની વાત સાંભળી આ મુદ્દે લારી વાળા ને જગ્યા પરત આપવા પાલિકામાં રજૂઆત કરી હતી પરંતુ આ જગ્યા માટે પહેલે થી જ આ રીતની કામગીરી કરવા કલેક્ટર નો આદેશ હતો એ મુજબ જ પાલિકાએ પોલીસ બંદોબસ્ત સાથે લારીઓ હટાવી હતી અને ત્યારબાદ પાલિકા એ કલેક્ટર ના આદેશ મુજબ ત્યાં શનિવારે જે સફેદ પટ્ટા નું માંર્કિંગ કરાવ્યું હતું એ જ જગ્યા ઉપર પીળા પટ્ટા પાડી ડીમાર્કેશન કરવામાં આવ્યું અને કલેક્ટરના આદેશનો અમલ કરવામાં આવ્યો હતો.
ટુંક માં કોઈ રાજકીય દબાણ ને વસ થયા વિના કે કોઈની સ્નેહ સરમ વિના આ જગ્યા નું ડેવલોપમેન્ટ કરવા માટે આવેલી ગ્રાન્ટ નો યોગ્ય ઉપયોગ કરવા માટે ત્યાં કાયદા મુજબ કામગીરી કરવામાં આવી છે