હિંમતનગર,તા.૨૪

દિવાળી આવતા કામધંધો કરતું દરેક જણ તેના વતન જવા માટે દોટ લગાવી છે. પણ આ દોટ ક્યાંક અંતિમ દોટ ન નીવડે તેનું ધ્યાન રાખવાની જરૃર છે. સાબરકાંઠાના હિંમતનગરમાં દસની ક્ષમતાવાળી જગ્યામાં વધુ રૃપિયાની લાલચે ૪૦થી ૫૦ લોકોને આ રીતે લઈ જઈને રીતસરનું મોતને આમંત્રણ આપવામાં આવે છે.આ રીતે ખાનગી વાહનમાં લોકો ઘેટાબકરાની જેમ ભરવામાં આવે છે તે એક રીતે મોતને આમંત્રણ છે. તેઓને કોઈ રોકનાર છે ખરું. દિવાળીના તહેવારમાં લોકો પોતાના દેશ જવા રવાના થયા છે. અહીં, ઘણા વાહનોમાં તેમની ક્ષમતા કરતા વધુ મુસાફરો બેઠેલા હોવાના ઘણા ચિત્રો અને વીડિયો સામે આવી રહ્યા છે. દરમિયાન સાબરકાંઠામાંથી પણ આવો જ એક વીડિયો સામે આવ્યો છે. આ વીડિયોમાં લોકો પોતાનો જીવ જોખમમાં મૂકીને મુસાફરી કરી રહ્યા છે. સાથે જ આ વીડિયોને જોઈને એવું લાગે છે કે જાણે અકસ્માતને ખુલ્લું આમંત્રણ છે. અહીં મુસાફરો જીપની છત પર બેઠેલા જોવા મળે છે. સાબરકાંઠા જિલ્લાના મુખ્ય મથક હિંમતનગરમાંથી એક ચોંકાવનારો વીડિયો સામે આવ્યો છે. હિંમતનગર-અંબાજી હાઈવે પર ખાનગી વાહનો ચડતા અને ઉતરતા હોવાનો વીડિયો વાયરલ થયો છે. અહીં લોકો જીવ જોખમમાં મુકીને ચાલતી જીપમાં મુસાફરી કરી રહ્યા છે. ૮ લોકો માટે એક સીટ પર ૫૦-૬૦ મુસાફરોનો વીડિયો હાલ સોશિયલ મીડિયા પર વાયરલ થઈ રહ્યો છે. બીજી તરફ વધુ પૈસા કમાવવાના લોભમાં વાહનચાલકો દ્વારા લેવાયેલું જોખમી પગલું મોટી મુશ્કેલીને આમંત્રણ આપી રહ્યું છે. એવી સ્થિતિ સર્જાઈ છે કે કોઈ અકસ્માત થાય તો લોકોના જીવ જોખમમાં મુકાય છે.