(ભરત શાહ દ્વારા) રાજપીપળા:નેત્રંગ પો.સ્ટેશનના પીઆઇ આર.સી વસાવા અને પો.કમીઁ વાહન ચેકિંગની કામગીરી કરી રહ્યા હતા.જે દરમ્યાન નેત્રંગ-મોવી રોડ ઉપરથી એક નંબર પ્લેટ વગરની મોટરસાયકલ આવતા તેની તપાસ કરતાં ચાલક વિશાલ બાબુભાઇ વસાવા (રહે. કુમસગામ તા.નાંદોદ) અને તેની પાછળ બેસેલ મેહુલ સુરેશભાઈ વસાવા  (રહે.કુમસગામ તા.નાંદોદ) બે અલગ-અલગ પ્લાસ્ટિકના કોથળામાં સોલર સ્ટ્રીટલાઇટની બે બેટરી મળી આવી હતી.આ બાબતે પોલીસે કડક પુછપરછ હાથ ધરતાં નાંદોદ તાલુકાના કુમસગામ ગ્રા.પંચાયત કચેરી દ્વારા મુકવામાં આવેલ સોલર સ્ટ્રીટ લાઇટની બેટરીઓ ભંગારમાં વેચાણ કરવાની હકીકત માલુમ પડી હતી.નેત્રંગ પોલીસે બંને શખ્શો વિરુદ્ધ ગુનો નોંધી મોટરસાયકલ, બેટરી નંગ-૨ મળીને કુલ.૫૩,૦૦૦ નો મુદ્દામાલ કબ્જે કરી બંને યુવાનો ને જેલભેગા કર્યા હતા.