વડોદરા: ભારતીય ગોલ્ફ યુનિયન સાથે સંલગ્ન ગોલ્ફ કોર્સ ઓનર્સ એસોસિએશન ગુજરાત દ્વારા ગુજરાતમાં પ્રથમ વખત એમેચ્યોર ર્ગોલફર માટે સ્ટેટ ગોલ્ફ ચેમ્પિયનશીપનુ આયોજન વડોદરાના ગાયકવાડ બરોડા ગોલ્ફ ક્લબ ખાતે કરવામાં આવ્યુ છે. આ ટુર્નામેન્ટ ગુજરાતના પાંચ ગોલ્ફ ક્લબ ખાતે યોજાશે.
પ્રથમ વખત એમેચ્યોર ર્ગોલફર માટે સ્ટેટ ગોલ્ફ ચેમ્પિયનશીપનુ આયોજન વડોદરામાં થવા જઈ રહ્યું છે.
ટુર્નામેન્ટમાં ટોપ રેન્કર્સ નેશનલ લેવલની ગોલ્ફ ટુર્નામેન્ટમાં ભાગ લેશે. આ ટુર્નામેન્ટમાં મેન, વુમન તેમજ જુનિયર કેટેગરી બોયઝ અને ગર્લ્સમાં 60થી વધુ ગોલ્ફર્સ ભાગ લેશે.
ગુજરાત ગોલ્ફ કોર્સ ઓનર્સ એસોસિએશનના પ્રમુખ તરીકે મહારાજા સમરજિતસિંહ ગાયકવાડ ચૂંટાયા છે. ત્યારે ગોલ્ફની રમતને પ્રોત્સાહન આપવા પ્રથમ વખત આ ટુર્નામેન્ટનુ આયોજન કરવામાં આવ્યુ છે.
વડોદરા સ્થિત ધ ગાયકવાડ બરોડા ગોલ્ફ ક્લબ ખાતે 23 થી 27 સપ્ટેમ્બર દરમિયાન 2024 દરમિયાન એમેચ્યોર ગોલ્ફ રમતા ખેલાડીઓ માટે સ્ટેટ ગોલ્ફ ચેમ્પિયનશિપનુ આયોજન કરવામાં આવ્યુ છે.
જેમાં રાજ્યભરમાંથી ટોચના ગોલ્ફરો સહિત 60 થી વધુ ખેલાડીઓ ભાગ લઈ રહ્યા છે. તેમજ તેમની કુશળતાનું પ્રદર્શન કરશે. આ સ્પર્ધા યોજવા પાછળનો હેતુ યુવાનોમાં ગોલ્ફ રમતને પ્રચલિત કરી તેમને પ્રોત્સાહન આપવાનો છે.
આ ટુર્નામેન્ટ ગુજરાતની પાંચ વિવિધ ગોલ્ફ ક્લબમાં યોજાશે. આ પાંચ ઈવેન્ટ ગાયકવાડ બરોડા ગોલ્ફ ક્લબ, અમદાવાદની કેન્સવિલે ગોલ્ફ ક્લબ, ગુલમહોર ગોલ્ફ ક્લબ, કલહાર બીજી સીજી અને ગ્લેડવન ગોલ્ફ ક્લબ ખાતે યોજાશે. આ ઈવેન્ટ માંથી ચેમ્પિયન ગોલ્ફરો નેશનલ ચેમ્પીયનશીપમાં ગુજરાતનુ પ્રતિનિધિત્વ કરશે.