અમદાવાદ : ગુજરાતમાં માર્કેટ યાર્ડમાં નવા કપાસની આવક ધીમે-ધીમે શરૂ થઇ ગઇ છે. અમરેલી જિલ્લામાં સાવરકુંડલા સહિતના માર્કેટિંગ યાર્ડમાં ખેડૂતો નવો કપાસ લઇને આવી રહ્યાં છે. આજે ગુજરાતની 21 માર્કેટ યાર્ડમાં કુલ 456.83 ટન કપાસની આવક થઇ હતી. જેમાં રાજ્યમાં કપાસનો સૌથી ઉંચો ભાવ રાજકોટ માર્કેટ યાર્ડમાં રૂ. 1695 સુધી બોલાયો હતો. રાજકોટમાં નીચો ભાવ 1450 રૂપિયા સુધી ગયો હતો. આ ઉપરાંત સાવરકુંડલામાં 1684 રૂ., જસદણમાં 1680 રૂ., બાબરામાં 1675 રૂ. અને ગોંડલમાં 1646 રૂપિયા ઉંચો ભાવ રહ્યો હતો.

   કેન્દ્રીય કૃષિ અને ખેડૂત કલ્યાણ મંત્રાલયની કોમોડિટીની દૈનિક વિગતો દર્શાવતી વેબસાઈટ અનુસાર આજે ગુજરાતમાં વિવિધ માર્કેટિંગ યાર્ડમાં કુલ 456.83 ટન કપાસની આવક થઇ છે. જેમાં રાજકોટ જિલ્લામાં 159.20 ટન, જૂનાગઢમાં 124 ટન, બોટાદમાં 86.80 ટન, અમરેલીમાં 33.24 ટન, મોરબીમાં 22.80 ટન, છોટા ઉદેપુરમાં 18.69 ટન, સુરેન્દ્રનગરમાં 10 ટન, ભરૂચમાં 1.10 ટન, જામનગરમાં 0.60 ટન અને સુરતમાં 0.40 ટન કપાસની આવક થઇ છે.