<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 11th September 2024

ગુજરાતમાં બે દિવસ ભારેથી અતિભારે વરસાદની આગાહી : મહી નદીની સપાટી વધતાં કાંઠાના ગામો એલર્ટ કરાયા

પહેલા દિવસે ઓરેન્જ એલર્ટ જ્યારે બીજા દિવસે યલો એલર્જ જાહેર :દક્ષિણ ગુજરાત, મધ્ય ગુજરાતમાં વરસાદ ખાબકશે

 

--

   ફોટો

અમદાવાદ : દક્ષિણ અને ઉત્તર ગુજરાતમાં વરસાદી માહોલ વચ્ચે હવામાન વિભાગ દ્વારા રાજ્યમાં આગામી બે દિવસ માટે ભારેથી અતિભારે વરસાદની આગાહી કરવામાં આવી છે. જેમાં પહેલા દિવસે ઓરેન્જ એલર્ટ જ્યારે બીજા દિવસે યલો એલર્જ જાહેર કરવામાં આવ્યું છે. તેમાં દક્ષિણ ગુજરાત, મધ્ય ગુજરાતનો સમાવેશ થાય છે. જ્યારે બીજા દિવસે ઉત્તર ગુજરાતમાં પણ વરસાદી માહોલ રહેવાની શક્યતા છે.

 

દિવસ- 2: દાહોદ, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં ભારેથી અતિભારે વરસાદ સાથે ઓરેન્જ એલર્ટ જ્યારે બનાસકાંઠા,પાટણ, મહેસાણા, સાબરકાંઠા, અરવલ્લી, પંચમહાલ, મહિસાગર અને વડોદરામાં ભારે વરસાદ સાથે યલો એલર્ટ અને બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં હળવાથી મધ્યમ વરસાદની આગાહી છે.

દિવસ- 2: અરવલ્લી,પંચમહાલ, દાહોદ, મહિસાગર, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં યલો એલર્ટ સાથે ભારે વરસાદ જ્યારે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં હળવાથી મધ્યમ વરસાદ પડી શકે છે.

ફલ્ડ સેલ કચેરી ખાતેથી મેસેજ આપવામાં આવ્યો છે કે, ઉપરવાસમાં ભારે વરસાદને કારણે કડાણા તથા પાનમ ડેમના જળાશયમાંથી અંદાજે 192000 ક્યુસેક પાણી છોડવાની શક્યતા છે. જેના કારણે મધરાતે વણાકબોરી જળાશય ખાતે પાણીની સપાટી 234 ફૂટ જેટલી થવાની સંભાવના છે. આથી મહી નદીના કાંઠાના ગામોને જે તે સિગ્નલની લેવલની મર્યાદા મુજબ સાવચેતીના પગલાં લેવા તથા સ્થાનિક અને જિલ્લા વહીવટી તંત્ર તેમજ પોલીસ તંત્રને તમામ પ્રકારના સાવચેતીના પગલાં લેવા જણાવવામાં આવે છે.

વણાકબોરી ડેમ
વ્હાઈટ સિગ્નલ- 236 ફૂટ
બ્લૂ સિગ્નલ- 242 ફૂટ
રેડ સિગ્નલ- 246 ફૂટ

(12:23 AM IST)