અમદાવાદ: ગુજરાત પોલીસ ભરતી બોર્ડ દ્વારા અગાઉ, સમયમર્યાદા ચૂકી ગયેલા ઉમેદવારો માટે ફરી એકવાર ઓનલાઇન અરજી પ્રક્રિયાને શરૂ કરવામાં આવી હતી. જેનો આવતીકાલે એટલે કે 9 સપ્ટેમ્બર, 2024ના રોજ છેલ્લો દિવસ છે. ગુજરાત પોલીસ ભરતી 2024 માટે રસ ધરાવતા અરજદારો police.gujarat.gov.in અથવા ojas.gujarat.gov.in ઓફિશિયલ વેબસાઇટ્સ દ્વારા ફોર્મ ભરી શકે છે. ત્યારે આ આર્ટિકલમાં મેળવી લો પાત્રતા, એપ્લિકેશન ફી, પરીક્ષા સમયપત્રક અને ભરતી સંબંધિત અન્ય અપડેટ્સ.

 

જણાવી દઈએ કે, મૂળ અરજીનો સમયગાળો 4 એપ્રિલથી 30 એપ્રિલ, 2024 સુધીનો હતો. જે ઉમેદવારો આ સમયગાળો ચૂકી ગયા છે તેમની પાસે 9 સપ્ટેમ્બર, 2024 સુધી અરજી કરવાની તક છે. જેમણે અગાઉ અરજી કરેલી છે, તેઓએ ફરીથી અરજી કરવાની જરૂર નથી.

 

Gujarat Police Bharti 2024: કેવી રીતે અરજી કરવી?

1. ગુજરાત પોલીસ ભરતી બોર્ડની ઓફિશિયલ સાઇટ https://ojas.gujarat.gov.in પર જાઓ.

2. હોમપેજ પર એપ્લિકેશન સેક્શન પર નેવિગેટ કરો.

3. નીચેના ઓપ્શન શોધીને પસંદ કરો: ઓનલાઈન અરજી > એપ્લાય > GPRB ગુજરાત પોલીસ ભરતી બોર્ડ.

4. રજિસ્ટ્રેશન પ્રક્રિયા શરૂ કરો.

5. રજિસ્ટ્રેશન પ્રક્રિયા શરૂ કરવા માટે 'એપ્લાય' બટન પર ક્લિક કરો.

6. તમામ જરૂરી વિગતો ચોક્કસ રીતે દાખલ કરો.

7. રજિસ્ટ્રેશન ક્રેડેન્શિયલ પ્રાપ્ત કરીને રજિસ્ટ્રેશન પૂર્ણ કરો.

8. તમને એક અનન્ય રજિસ્ટ્રેશન ID અને પાસવર્ડ સોંપવામાં આવશે.

9. આ ક્રેડેન્શિયલને સુરક્ષિત રાખવા મહત્વપૂર્ણ છે, કારણ કે તે સમગ્ર ભરતી પ્રક્રિયા દરમિયાન જરૂરી રહેશે.

10. અરજી ફોર્મ ભરીને, જરૂરી દસ્તાવેજો અપલોડ કરો તેમજ માંગવામાં આવેલ તમામ માહિતી ભરીને આગળ વધો.

11. અરજી સબમિટ કરીને પેમેન્ટ કરો.

12. અરજી પ્રક્રિયા પૂર્ણ કર્યા પછી ફોર્મ સબમિટ કરીને તમારા રેકોર્ડ માટે એક પ્રિન્ટ લઈ લો.

 

Gujarat Police Bharti 2024: શૈક્ષણિક લાયકાત

1. ઉમેદવારને કોમ્પ્યુટરનું સારું જ્ઞાન હોવું જોઈએ.

2. ઉમેદવારને ગુજરાતી, હિન્દી અથવા બંને ભાષાઓમાં પર સારી પકડ હોવી જોઈએ.

3. અનઆર્મ્ડ પોલીસ સબ ઇન્સ્પેક્ટર - માન્ય સંસ્થામાંથી કોઈપણ ક્ષેત્રમાં સ્નાતકની ડિગ્રી

4. અનઆર્મ્ડ પોલીસ કોન્સ્ટેબલ, આર્મ્ડ પોલીસ કોન્સ્ટેબલ, જેલ સિપાહી, આર્મ્ડ પોલીસ કોન્સ્ટેબલ (SRPF) - ધોરણ 12 (ઉચ્ચ માધ્યમિક) અથવા તેની સમકક્ષ લાયકાત પૂર્ણ