અમદાવાદ,તા.૬: ફી નિર્ધારણ કમિટીએ અમદાવાદની મોટાભાગની શાળાઓની ફાઈનલ અને પ્રોવિઝનલ ફી નક્કી કરી છે. જેમાં રૂ. ૩ હજારથી લઈને રૂ. ૧૨ હજાર સુધીનો વધારો કરવામાં આવ્‍યો છે. નવી ફી કમિટીના સભ્‍યોની નિમણૂક બાદ ફી કમિટી દ્વારા ફી નક્કી કરવાની કામગીરી ઝડપી બનાવવામાં આવી છે. ફી કમિટી દ્વારા જે શાળાઓની ફાઈનલ ફી નક્કી કરી છે, તેમાં સરેરાશ ૫ થી ૭ ટકા જેટલો વધારો કરવામાં આવ્‍યો છે. જયારે અમુક શાળાઓને ૧૦ ટકા સુધીનો વધારો પણ મળ્‍યો છે. અમદાવાદ ઈન્‍ટરનેશનલ સ્‍કૂલની ફીમાં રૂ. ૧૨ હજારનો વધારો થયો છે.

રાજય સરકાર દ્વારા ખાનગી શાળાઓ દ્વારા લેવામાં આવતી બેફામ ફી પર લગામ કસવા માટે ફી કમિટીની રચના કરી હતી. ફી કમિટી દ્વારા શાળાઓની ફી નક્કી કરવામાં આવે છે. જેમાં સરકાર દ્વારા નક્કી કરવામાં આવેલા ફીના ધોરણ કરતા વધુ ફી લેવા માગતી શાળાઓએ કમિટી સમક્ષ દરખાસ્‍ત કરવાની હોય છે. જયારે સરકાર દ્વારા નક્કી કરેલા ફીના ધોરણ કરતા ઓછી ફી લેવા માગતી શાળાઓએ માત્ર એફિડેવિટ કરવાની હોય છે. ત્‍યારબાદ ફી કમિટી દ્વારા દરખાસ્‍ત કરનારી શાળાઓના ખર્ચ સહિતની વિગતોની ચકાસણી કરી પ્રોવિઝનલ અથવા ફાઈનલ ફી નક્કી કરવામાં આવતી હોય છે.

અમદાવાદ ઝોનની ફી કમિટીમાં સભ્‍યો ન હોવાના લીધે ફીની કામગીરી અટકી પડી હતી. જોકે, તાજેતરમાં સરકાર દ્વારા ફી કમિટીમાં નવા સભ્‍યોની નિમણૂક કરવામાં આવ્‍યા બાદ ફી નક્કી કરવામાં આવી રહી હોવાનું જાણવા મળે છે. જેમાં અમદાવાદની મોટાભાગની શાળાઓની પ્રોવિઝનલ અને ફાઈનલ ફી નક્કી કરવામાં આવી છે. જેમાં ફી કમિટી દ્વારા રૂ. ૩ હજારથી લઈને રૂ. ૧૨ હજાર સુધીનો વધારો કરવામાં આવ્‍યો હોવાનું જાણવા મળે છે. આ ઉપરાંત ઘણી શાળાઓને તેના કરતા ઓછો વધારો મળ્‍યો છે. અમદાવાદની શાળાઓમાં કરવામાં આવેલા વધારામાં સરેરાશ ૫ ટકાથી લઈને ૭ ટકા સુધીનો વધારો કરાયો છે. જોકે, અમુક શાળાઓનો ખર્ચ વધુ હોવાનું દરખાસ્‍તમાં જણાતા આવી શાળાઓની ફીમાં ૧૦ ટકા સુધીનો પણ વધારો કરવામાં આવ્‍યો છે.

ફી કમિટી દ્વારા અનેક શાળાઓની પ્રોવિઝનલ ફી જાહેર કરવામાં આવી છે. હાલમાં જે પ્રોવિઝનલ ફી જાહેર કરાઈ છે, તેમાં ફાઈનલ ફી વખતે વધારો કે ઘટાડો થતો હોય છે. જોકે, ફી કમિટી દ્વારા આ શાળાઓની પ્રોવિઝનલ ફી ગતવર્ષની ફાઈનલ ફી જેટલી જ જાહેર કરવામાં આવી છે. જેથી શાળાઓ ગત વર્ષે જે ફી લેતા હતા તેટલી જ ફી આ વખતે પણ હાલમાં લેવાની રહેશે. પરંતુ જયારે ફી કમિટી દ્વારા આ શાળાઓની ફાઈનલ ફી નક્કી કરશે.