News of Wednesday, 31st July 2024
સ્પાની આડમાં દેહવ્યાપાર !:અમદાવાદ અને ગાંધીનગરમાં CID ક્રાઈમના દરોડા:14 સ્થળોથી વિદેશી યુવતીઓ સાથે મળ્યા ગ્રાહક
દેહ વ્યાપારની બાતમીના આધારે અમદાવાદ અને ગાંધીનગરમાં 30 સ્પા અને જાણીતી હોટલ પર CID ક્રાઈમના સામુહિક દરોડા:રશિયા અને નાઇઝિરિયાની યુવતીઓ પાસે દેહ વ્યાપાર કરાવાતો હોવાનો પર્દાફાશ

અમદાવાદ : ગુજરાતમાં સ્પાની આડમાં ગોરખધંધા કરતા એકમો સામે સરકારે લાલ આંખ કરી છે. દેહ વ્યાપારની બાતમીના આધારે અમદાવાદ અને ગાંધીનગરમાં સામુહિક દરોડા પાડવામાં આવ્યા છે. મળતી માહિતી અનુસાર 30 સ્પા અને જાણીતી હોટલ પર CID ક્રાઈમના સામુહિક દરોડા પાડ્યા છે. જેમાંથી 14 સ્થળો પરથી વિદેશી યુવતીઓ સાથે ગ્રાહકો મળી આવ્યા છે.
વિદેશી યુવતીઓ પાસે દેહ વ્યાપાર કરાવવામાં આવતો હોવાની બાતમી મળતા દરોડા પાડવામાં આવ્યા હતા.અમદાવાદ અને ગાંધીનગરના સ્પા અને જાણીતી હોટેલોમાં દરોડા પાડતા રશિયા અને નાઇઝિરિયાની યુવતીઓ પાસે દેહ વ્યાપાર કરાવાતો હોવાનો પર્દાફાશ થયો છે.
આ સમગ્ર ઘટનાના પગલે સાબરકાંઠાના મોહસીન મેમણ વિરુદ્ધ અમદાવાદ અને ગાંધીનગરમાં ગુનો દાખલ કરવામાં આવ્યો છે. અમદવાદના સેટેલાઇટમાં માયરા સ્પાની આડમાં કુટણખાનું ચાલતુ હોવાનું સામે આવ્યુ છે. તેમજ ગાંધીનગરના સરગાસણમાં પણ સ્પા સેન્ટરની આડમાં ગોરખધંધા ચાલતા હોવાનું સામે આવ્યું છે.
(12:45 PM IST)









છેલ્લા 8 દિવસમાં સૌથી લોકપ્રિય 
