<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 11th July 2024

મનીષ ગોસ્વામી વિરુદ્ધ પ્રભાત સોમાણીએ બે કરોડની છેતરપિંડીનો કેસ કર્યો

અમદાવાદમાં ટેકનોવાયર ડેટા સાયન્સ લિમિટેડના માલિક પ્રભાત સોમાણીએ મનીષ ગોસ્વામી સામે રૂ. ૨ કરોડની કથિત છેતરપિંડી માટે પોલીસ કેસ દાખલ કર્યો છે. અમદાવાદ શહેર પોલીસ ક્રાઈમ બ્રાન્ચમાં નોંધાયેલી પોલીસ ફરિયાદ મુજબ, સ્કાયમિટ રિચાર્જ વાલે પ્રાઈવેટ લિમિટેડના માલિક મનીષ ગોસ્વામીએ સ્કાય મિટનો આઈપીઓ માર્કેટમાં લાવવા માટે સોમાણી પાસે બે કરોડ રૂપિયા આપવાની વિનંતી કરી હતી. 

ગોસ્વામીએ બદલામાં તેમની કંપનીના શેર આપવાનું વચન આપ્યું હતું. સોમાણી ગોસ્વામીને એક વર્ષથી ઓળખતા હતા, તેમણે વિશ્વાસ રાખી આરટીજીએસ દ્વારા ગોસ્વામીને રૂ. ૨ કરોડ ટ્રાન્સફર કર્યા હતા.

ત્યારબાદ, ગોસ્વામીએ ઘણાબધા બેંક ખાતાઓમાં ભંડોળ ટ્રાન્સફર કર્યું અને રકમ નહીં મળ્યાનો દાવો કર્યો. પોતે છેતરાયા હોવાનો અહેસાસ થતાં સોમાણીએ બે કરોડ રૂપિયાની છેતરપિંડીની આશંકા વ્યક્ત કરી હતી. વધુમાં, સોમાણીએ એ પણ શોધી કાઢ્યું હતું કે ગોસ્વામીએ રાજકોટની રોયલ આઈપીઆઈ પ્રાઈવેટ લિમિટેડ સાથે પણ છેતરપિંડી કરી હતી.

પરિણામે, પોલીસે મનીષ ગોસ્વામી, તેની પત્ની રેખા ગોસ્વામી અને ભાઈ પંકજ ગોલાણી સામે બીએનએસ કલમ ૪૦૬, ૪૨૦, અને ૧૨૦ બી હેઠળ નાણાકીય ગેરરીતિ અને ટ્રસ્ટના ભંગનો આરોપ લગાવીને કેસ નોંધ્યો છે.

(10:31 PM IST)