(ભરત શાહ દ્વારા) રાજપીપળા:નાંદોદ તાલુકાના જુનારાજ ગામ તરફ જવાના રસ્તા પર કરજણ ડેમ રિઝર્વમાં (બોટિંગ પોઇન્ટ પાસે) ડૂબતા વ્યક્તિને બચાવવા અંગે સ્થાનિક તરવૈયાઓ તેમજ રાજપીપલા નગરપાલિકાની ફાયર ટીમ સાથે તાલુકા કક્ષાની મોકડ્રીલ યોજાઈ હતી.
આ મોકડ્રીલ દરમિયાન ડીઝાસ્ટર મામલતદાર, નાંદોદના મામલતદાર તેમજ રાજપીપળા નગરપાલિકા ફાયર વિભાગની ટીમ, જૂનારાજ ગામના સરપંચની ઉપસ્થિતિમાં પુર માટેની મોકડ્રીલનું યોજાઈ હતી. જેમાં આપદા મિત્રો તેમજ ગ્રામ્ય કક્ષાના તરવૈયાઓ દ્વારા બચાવ કામગીરી કરવામાં આવી હતી.