અમદાવાદ : ગુજરાત શિક્ષણ વિભાગ દ્વારા વહીવટી માળખાને વધુ સુદ્રઢ બનાવવા માટે ખાલી જગ્યાઓ ભરવાની મહત્વપૂર્ણ કામગીરી પૂર્ણ કરવામાં આવી છે.  રાજ્યકક્ષાએ યોજાયેલા ખાસ કેમ્પમાં નિયમોનુસાર પ્રક્રિયા હાથ ધરીને 46 મદદનીશ શિક્ષકોને ઉચ્ચ હોદ્દા પર બઢતી  (પ્રમોશન) નો લાભ આપવામાં આવ્યો છે. આ તમામ 46 શિક્ષકોને મદદનીશ શિક્ષણ નિરીક્ષક તરીકે નિમણૂક આપવાના સત્તાવાર આદેશો પણ શિક્ષણ વિભાગ દ્વારા જાહેર કરી દેવામાં આવ્યા છે, જેથી શાળાઓના મોનિટરિંગ અને વહીવટી કામગીરીમાં વધુ ગતિ આવશે.