જામનગર જિલ્લાના સુવરડા ગામ પાસે થોડા દિવસો પહેલા થયેલા ફાઈટર પ્લેન ક્રેશમાં શહીદ થયેલા પાયલોટના પરિવારજનોએ આજે સુવરડા ગામની મુલાકાત લીધી હતી. આ દુ:ખદ ઘટના સ્થળે આવીને પરિવારજનોએ સ્થાનિક ગ્રામજનો સાથે વાતચીત કરી હતી અને તે સમયની પરિસ્થિતિ વિશે માહિતી મેળવી હતી. આ મુલાકાત દરમિયાન, શહીદ પાયલોટના પરિવારજનો અને ગ્રામજનો વચ્ચે ભાવુક વાર્તાલાપ થયો હતો, જેણે ગામના લોકોમાં પણ શોકની લાગણી ફરી પ્રસરાવી હતી. (તસવીરો: કિંજલ કારસરીયા, જામનગર)