એલન મસ્કની માલિકીની સેટેલાઇટ ઇન્ટરનેટ સેવા પ્રદાતા સ્ટારલિંકને ભારતમાં મંજૂરી આપવાની દિશામાં કેન્દ્ર સરકારે એક મહત્વપૂર્ણ પગલું ભર્યું છે. એક અહેવાલ અનુસાર, સરકારે સ્ટારલિંકને 'લેટર ઓફ ઇન્ટેન્ટ' (આશય પત્ર) જારી કર્યો છે. આ પગલું સ્ટારલિંકને ભારતમાં તેની સેવાઓ શરૂ કરવા માટેની મંજૂરીની પ્રક્રિયાને આગળ વધારવામાં મદદ કરશે. સ્ટારલિંક સેટેલાઇટ ટેકનોલોજીનો ઉપયોગ કરીને વિશ્વભરમાં હાઇ-સ્પીડ અને લો-લેટન્સી બ્રોડબેન્ડ ઇન્ટરનેટ સેવાઓ પૂરી પાડે છે.