સુરતના પાલનપુર કેનાલ રોડ પર આવેલી નક્ષત્ર બિલ્ડિંગમાં આજે આગ લાગવાની ઘટના બની છે. બિલ્ડિંગની લિફ્ટમાં લાગેલી આગે જોતજોતામાં વિકરાળ સ્વરૂપ ધારણ કરી લીધું હતું. ઘટનાની જાણ થતાં જ તાત્કાલિક સાત ફાયર ફાઇટર ઘટના સ્થળે પહોંચી ગયા છે અને આગને કાબૂમાં લેવાના પ્રયાસો શરૂ કરી દીધા છે. આગના કારણે બિલ્ડિંગમાં અફરાતફરીનો માહોલ સર્જાયો હતો. આગ લાગવાનું કારણ હજી સુધી જાણી શકાયું નથી. ફાયર વિભાગ દ્વારા આગને સંપૂર્ણપણે કાબૂમાં લીધા બાદ વધુ માહિતી ઉપલબ્ધ થશે.