ઇઝરાયેલ - હમાસ વચ્ચેના યુદ્ધવિરામ દરમિયાન પણ ઇઝરાયેલ એ હુમલાઓ ચાલુ રાખતા, ગાઝામાં શનિવારે થયેલા હુમલાઓમાં ઓછામાં ઓછા નવ લોકો માર્યા ગયા હતા, એમ ત્યાંના સત્તાવાળાઓએ જણાવ્યું છે. ઉત્તરી ગાઝાના બેત લાહિયામાં એક પછી એક થયેલા હુમલાઓમાં આઠ લોકો માર્યા ગયા હતા. આમાં સાત માનવતાવાદી કાર્યકર્તાઓ અને એક કેમ્પનો વ્યક્તિ સામેલ હતો, એમ બ્રિટન અને તુર્કી સ્થિત ચેરિટી અલ-ખૈર ફાઉન્ડેશને જણાવ્યું. હમાસે શનિવારે જણાવ્યું કે જાન્યુઆરીના મધ્યમાં શરૂ થયેલા નાજુક યુદ્ધવિરામથી અત્યાર સુધીમાં આવા હુમલાઓમાં ઓછામાં ઓછા 150 પેલેસ્ટિનિયન માર્યા ગયા છે, જેમાં શુક્રવાર અને શનિવારે 19 લોકોનો સમાવેશ થાય છે.