ઇમરાન હાશ્‍મીની ફિલ્‍મ આવારાપન ૨: નું ટીઝર રિલીઝ થઈ ગયું છે. તે આ ફિલ્‍મમાં શિવમ પંડિત તરીકે ફરી જોવા મળશે. દિશા પટણી પણ મુખ્‍ય ભૂમિકામાં છે. ટીઝરમાં ઇમરાન સંપૂર્ણપણે ગંભીર અવતારમાં જોવા મળે છે.

ઇમરાન હાશ્‍મી ૨૦૦૭ની કલ્‍ટ ક્‍લાસિક ફિલ્‍મ આવારાપનની સિક્‍વલ આવારાપન ૨ માં શિવમ પંડિત તરીકે પરત ફરવા તૈયાર છે. નિર્માતાઓએ ૨૯ જૂન, ૨૦૨૬ના રોજ ફિલ્‍મનું ટીઝર સત્તાવાર રીતે રિલીઝ કર્યું છે, જે પ્રથમ ફિલ્‍મની ૧૯મી વર્ષગાંઠનો દિવસ છે.

ટીઝરની શરૂઆત ઇમરાન હાશ્‍મીના બાઇક ચલાવવાના લ્લશ્‍યથી થાય છે. તે કહે છે, કેટલાક લોકોની વાર્તાઓ તેઓ ઇચ્‍છે તે રીતે સમાપ્ત થતી નથી, તેમની વાર્તાઓ બીજાઓ માટે લખાયેલી હોય છે.ૅ ત્‍યારબાદ તે પ્રથમ ફિલ્‍મમાં શ્રિયા સરનના પાત્ર આલિયા હમીદને શ્રદ્ધાંજાલિ આપતો જોવા મળે છે.

પૃષ્ઠભૂમિમાં લોકપ્રિય ગીત તો ફિર આઓ સંભળાય છે અને ઇમરાન કહે છે, મારો પીડા સાથે જૂનો સંબંધ છે. ટીઝરમાં દિશા પટણી, શબાના આઝમી અને અન્‍ય કલાકારોની ઝલક પણ જોવા મળે છે. અંતમાં ઇમરાન કહે છે, આ વખતે કાં તો આ ભટકવાની લાલસા સમાપ્ત થશે, અથવા હું.

ઇમરાન હાશ્‍મીને ફરીથી શિવમ પંડિતની ભૂમિકામાં જોઈને ચાહકોમાં ભારે ઉત્‍સાહ જોવા મળી રહ્યો છે. સોશિયલ મીડિયા પર એક ચાહકે લખ્‍યું, હું આ ટીઝર ૧૦ વાર વધુ જોઈશ. અન્‍ય એકે લખ્‍યું, આ આપણો પ્રેમી છે, ભાઈ. જ્‍યારે બીજા યુઝરે લખ્‍યું, હવે ગાંડપણ જીતશે.

મોહિત સુરી દ્વારા દિગ્‍દર્શિત આવારાપન ફિલ્‍મમાં ઇમરાન હાશ્‍મી અને શ્રિયા સરન મુખ્‍ય ભૂમિકામાં હતા. ૨૯ જૂન, ૨૦૦૭ના રોજ રિલીઝ થયેલી આ ફિલ્‍મને શરૂઆતમાં મિશ્ર પ્રતિસાદ મળ્‍યો હતો, પરંતુ બાદમાં તેને કલ્‍ટ ફિલ્‍મનો દરજ્‍જો મળ્‍યો. ફિલ્‍મનું સંગીત આજે પણ લોકપ્રિય છે.

ફિલ્‍મની વાર્તા શિવમ પંડિત નામના કોન્‍ટ્રાક્‍ટ કિલરની આસપાસ ફરે છે, જેને તેના બોસની ગર્લફ્રેન્‍ડ પર નજર રાખવાનું કામ સોંપવામાં આવે છે. પરંતુ જ્‍યારે તેને ખબર પડે છે કે તે મહિલા સેક્‍સ ટ્રાફિકિગનો ભોગ બની છે, ત્‍યારે તે તેને મુક્‍ત કરાવવા અને તેના પ્રેમી સાથે મિલન કરાવવા માટે પોતાનું બધું દાવ પર લગાવી દે છે.

આવારાપન ૨ માં ઇમરાન હાશ્‍મી ફરી એકવાર શિવમ પંડિતની ભૂમિકામાં જોવા મળશે. ફિલ્‍મમાં દિશા પટણી અને શબાના આઝમી પણ મહત્‍વપૂર્ણ ભૂમિકામાં છે. વિશેષ ફિલ્‍મ્‍સ દ્વારા નિર્મિત અને નીતિન કક્કર દ્વારા દિગ્‍દર્શિત આ ફિલ્‍મ ૧૪ ઓગસ્‍ટ, ૨૦૨૬ ના રોજ સિનેમાઘરોમાં રિલીઝ થશે