​મુંબઈ: ટેલિવિઝન ક્ષેત્રના અત્યંત લોકપ્રિય અને આઇકોનિક શૉ ‘CID’માં ઇન્સ્પેક્ટર પૂર્વીનું દમદાર પાત્ર ભજવીને દેશભરના ઘરમાં જાણીતો ચહેરો બનેલી અભિનેત્રી અંશા સૈયદ (Ansha Sayed) તાજેતરમાં પોતાની અંગત જિંદગીને લઈને ભારે ચર્ચામાં આવી છે. એક વિશેષ ઇન્ટરવ્યુ દરમિયાન ૩૮ વર્ષીય અંશાએ પોતાની પર્સનલ લાઇફ, ડેટિંગ હિસ્ટ્રી, લગ્ન પ્રત્યેનો વિચાર અને પોતાના પરિવારના ધાર્મિક વારસા અંગે ખુલ્લા મનથી વાત કરી હતી.

​ધોખાને કારણે તૂટ્યો સબંધ: ૧૩ વર્ષથી કોઈ રિલેશનશિપ નહીં
​અંશાએ પોતાના ભૂતકાળના કડવા અનુભવ વિશે ખુલાસો કરતા જણાવ્યું હતું કે, લગભગ ૧૫ વર્ષ પહેલાં તે એક ગંભીર રિલેશનશિપમાં હતી. તે ૩ વર્ષ સુધી જે વ્યક્તિ સાથે રિલેશનશિપમાં રહી અને જેને લઈને ખૂબ જ સીરિયસ હતી, તે વ્યક્તિ તેને ધોખો આપી રહ્યો હતો. ફેસબુક પર બૉયફ્રેન્ડની અન્ય છોકરી સાથેની ચેટિંગ પકડાઈ જતાં અંશાએ તાત્કાલિક તે સબંધનો અંત આણ્યો હતો.

​તેણે સ્પષ્ટ કર્યું કે છેલ્લા ૧૩ વર્ષથી તે સંપૂર્ણપણે સિંગલ છે. આ ગાળામાં તેણે ન તો કોઈને ડેટ કર્યા છે, ન તો કોઈ સチュએશનશિપ કે વન-નાઇટ સ્ટેન્ડમાં તે રહી છે.

​"પરિણિત મહિલાઓ મને તેમના પતિ માટે ખતરો માનતી"
​ઇન્ટરવ્યુમાં અંશાએ એક ચોંકાવનારો અનુભવ શેર કરતા કહ્યું કે, જ્યારે કોઈ મહિલા ખૂબ જ આત્મનિર્ભર અને સિંગલ હોય છે ત્યારે સમાજ અને લોકોનો દ્રષ્ટિકોણ અલગ થઈ જાય છે. સિંગલ હોવાને કારણે ઘણી પરિણિત મહિલાઓ તેને પોતાના પતિ માટે 'ખતરો' માનતી હતી અને એવો ડર રાખતી હતી કે તે તેમના પતિને મોહિત કરી લેશે.

​હવે લગ્ન કે બાળકની કોઈ ઈચ્છા નથી
​જ્યારે તેને ભવિષ્યમાં લગ્ન અને પરિવાર વસાવવા અંગે પૂછવામાં આવ્યું ત્યારે અંશાએ જણાવ્યું કે, ૩-૪ વર્ષ પહેલાં જ તેને અહેસાસ થઈ ગયો હતો કે ખુશ રહેવા માટે જીવનમાં કોઈ પુરુષ કે પાર્ટનર હોવો જરૂરી નથી. એક સમયે તેને પણ એકલતા સાલતી હતી અને સમાજના દબાણને કારણે લગ્ન અને બાળકોની ઈચ્છા થતી હતી, પરંતુ હવે તે ઈચ્છા પર પણ બરફની પરત જામી ગઈ છે. હવે તે મુક્ત પંખીની જેમ પોતાની શરતો પર જીવવા માંગે છે. જોકે, ભવિષ્યમાં કોઈ સાચે જ 'મેરેજ મટીરિયલ' વ્યક્તિ મળશે તો જ તે વિચારશે, બાકી તે એકલા જ ખુશ છે.

​ગણપતિ પૂજા પણ કરું છું અને નમાજ પણ પઢું છું
​પોતાના ધાર્મિક સંસ્કારો અને પરિવાર વિશે વાત કરતા અંશાએ ખુલાસો કર્યો કે તેના માતા-પિતાએ ઇન્ટરફેથ (આંતરધાર્મિક) લગ્ન કર્યા હતા. તેના માતા-પિતાએ નિકાહ પણ કર્યા હતા અને હિન્દુ રીતિ-રિવાજ મુજબ લગ્ન પણ કર્યા હતા.

​મોટા ભાગનો સમય નાના-નાની સાથે વિતાવ્યો હોવાથી તે બંને ધર્મોમાં સરખી આસ્થા ધરાવે છે. તે ઘરે દીવાળી પર પૂજા કરે છે, ગણેશ ઉત્સવમાં ગણપતિ પૂજા કરે છે, નવરાત્રિમાં ગરબા રમે છે અને ઈદ પર ખીર પણ બનાવે છે. તે નમાજ પઢવાની સાથે-સાથે ઈશ્વરની પૂજા પણ નિયમિતપણે કરે છે.