મુંબઈ તા.૬ : રણબીર કપૂર, સાઈ પલ્લવી અને યશ સ્ટારર ફિલ્મ ‘રામાયણ’ બોક્સ ઓફિસ પર રિલિઝ થઈ ગઈ છે અને ભારતીય સિનેમાના ઈતિહાસનું સૌથી મોટું બજેટ, વિશ્વભરમાં સૌથી વધુ થિયેટર્સમાં રિલિઝ અને હોલિવૂડ સ્ટુડિયોનું સમર્થન હોવા છતાં નિતેશ તિવારી અને નામિત મલ્હોત્રાની આ ફિલ્મ ધારણા મુજબ કમાણી કરવામાં નિષ્ફળ રહી છે જેમાં ઓપનિંગ પહેલા ફિલ્મ 160 કરોડનું વર્લ્ડવાઈડ કલેક્શન કરશે તેવી શક્યતા વ્યક્ત કરાઈ હતી પરંતુ તેણે વિશ્વભરમાંથી 127.50 કરોડનું જ ગ્લોબલ ગ્રોસ કલેક્શન કર્યું છે અને 100 કરોડથી વધુની કમાણી કરવા છતાં ફિલ્મ ભારતીય સિનેમાની સૌથી મોટી ઓપનિંગ મેળવનારી ટોપ-15 ફિલ્મોની યાદીમાં પણ સ્થાન મેળવી શકી નથી, ગુરુવારે રિલિઝ થયેલી આ ફિલ્મને ક્રિટિક્સ અને દર્શકો તરફથી સારા રિવ્યૂ મળ્યા છે છતાં થિયેટર્સમાં દર્શકોની ભીડ અપેક્ષા મુજબ જોવા મળી નથી અને ફિલ્મે ભારતમાં પ્રથમ દિવસે 64.85 કરોડ નેટ એટલે કે 77.50 કરોડ ગ્રોસ કલેક્શન કર્યું છે જેમાં હિન્દી વર્ઝનમાંથી સૌથી વધુ 47.50 કરોડ, કન્નડમાંથી 7.25 કરોડ, તેલુગુમાંથી 6 કરોડ, તમિલમાંથી 2.60 કરોડ અને મલયાલમમાંથી 1.50 કરોડની કમાણી થઈ છે, સૌથી નિરાશાજનક બાબત એ રહી કે કન્નડ વર્ઝનમાંથી ફિલ્મે માત્ર 7.50 કરોડની કમાણી કરી જે સાઉથ સુપરસ્ટાર યશની અગાઉની ફિલ્મો ‘KGF Chapter 2’ અને ‘Toxic’ના પહેલા દિવસના કલેક્શનના ત્રીજા ભાગ જેટલી જ છે, ‘રામાયણ’ માટે સૌથી મોટો ફટકો તેનું ઓવરસીઝ કલેક્શન રહ્યું છે જેમાં સોની પિક્ચર્સ દ્વારા આ ફિલ્મને વિશ્વભરમાં 70,000 સ્ક્રીન્સ પર રિલિઝ કરવામાં આવી હતી જે અત્યાર સુધીની કોઈ પણ ભારતીય ફિલ્મ માટે સૌથી મોટી રિલિઝ છે છતાં ફિલ્મે વિદેશમાંથી પ્રથમ દિવસે 5.5 મિલિયન ડોલર એટલે કે આશરે 50 કરોડથી પણ ઓછી કમાણી કરી છે, આ સાથે ફિલ્મે દિવાળી પહેલાની સૌથી મોટી ઓપનિંગનો રેકોર્ડ તોડ્યો છે જેમાં તેણે સલમાન ખાનની ‘ટાઈગર 3’ના 44.50 કરોડના આંકડાને પાછળ છોડી દીધો છે અને રણબીર કપૂરની કારકિર્દીની સૌથી મોટી ઓપનિંગ પણ બની છે પરંતુ પ્રભાસની ‘આદિપુરુષ’ના ભારતમાં 86.75 કરોડ નેટ અને 103.08 કરોડ ગ્રોસના રેકોર્ડને તે તોડી શકી નથી, હવે દિવાળીના ચાર દિવસના લાંબા વીકેન્ડ દરમિયાન માઉથ પબ્લિસિટી પર જ ફિલ્મની કમાણીનો આધાર રહેશે.