મુંબઈ,તા.૨૯: આમિર ખાન પ્રોડક્‍શન્‍સની મોસ્‍ટ અવેટેડ ફિલ્‍મ ‘બટવારા ૧૯૪૭‘નું ટ્રેલર હાલમાં જ રિલીઝ કરવામાં આવ્‍યું છે અને રિલીઝ થતાં જ તે દર્શકોના દિલ જીતી રહ્યું છે.

આમિર ખાન પ્રોડક્‍શન્‍સની મોસ્‍ટ અવેટેડ ફિલ્‍મ ‘બટવારા ૧૯૪૭‘ જેનું નિર્દેશન રાજકુમાર સંતોષી એ કર્યું છે અને જેમાં શબાના આઝમી સની દેઓલ તથા પ્રીતિ ઝિન્‍ટા મુખ્‍ય ભૂમિકામાં છે, તે વિભાજન દિવસ એટલે કે ૧૪ ઓગસ્‍ટ ૨૦૨૬ના રોજ વિશ્વભરના સિનેમાઘરોમાં રિલીઝ થશે.

‘બટવારા ૧૯૪૭' ભારતીય સિનેમાની સૌથી ચર્ચિત ફિલ્‍મોમાંથી એક છે. ફિલ્‍મના નિર્માતાઓએ તેના ભાવુક પોસ્‍ટર્સ અને દમદાર ટીઝર રિલીઝ કરીને પહેલાથી જ ભારે ઉત્‍સુકતા જગાડી દીધી હતી. આ ઝલકો પરથી સ્‍પષ્ટ થઈ ગયું હતું કે ફિલ્‍મ મુશ્‍કેલ પરિસ્‍થિતિઓમાં માનવીના જુસ્‍સા અને અસ્‍તિત્‍વ ટકાવી રાખવાની સંઘર્ષગાથા દર્શાવશે. હવે લાંબી રાહ જોયા બાદ, મેકર્સે ફિલ્‍મનું બહુપ્રતીક્ષિત ટ્રેલર રિલીઝ કર્યું છે, જે ભારતના ભાગલાના સૌથી દર્દનાક તબક્કાની એક ભાવનાત્‍મક ઝલક રજૂ કરે છે.

ટ્રેલર આ યાદગાર વાર્તાના વિશાળ કેનવાસ અને તેની ઈમોશનલ સફરને સુંદર રીતે દર્શાવે છે. ૧૯૪૭ના વિભાજનની પૃષ્ઠભૂમિ પર બનેલી આ ફિલ્‍મ એક એવા પરિવારની વાર્તા છે, જેનું જીવન હિસા, ભય અને બળજબરીપૂર્વકના સ્‍થળાંતરને કારણે સંપૂર્ણપણે બદલાઈ જાય છે. જે લોકો ક્‍યારેક સાથે રહેતા હતા, તેઓ ભાગલાની આગમાં એકબીજાથી વિખૂટા પડી જાય છે. પરંતુ આટલા દર્દ અને વિયોગ છતાં, ફિલ્‍મ એ દર્શાવે છે કે નફરત કરતાં માનવતા ઉપરી છે અને સૌથી મુશ્‍કેલ સમયમાં પણ આશાનો સાથ છોડવો જોઈએ નહીં.

ટ્રેલરમાં સની દેઓલ એક એવા વ્‍યક્‍તિના પાત્રમાં જોવા મળે છે જે કોઈપણ સંજોગોમાં પોતાના આત્‍મસન્‍માન અને સિદ્ધાંતો સાથે સમજૂતી નથી કરતો. બીજી તરફ, શબાના આઝમી એક વૃદ્ધ મહિલાની ભૂમિકામાં છે, જેમની સમજદારી, સાદગી અને મજબૂત વિચારસરણી સમગ્ર વાર્તાનું મુખ્‍ય બળ બનીને ઉભરે છે. પ્રીતિ ઝિન્‍ટા એક એવી મહિલાનું પાત્ર ભજવી રહી છે, જે અત્‍યંત વિપરીત સંજોગોમાં પણ પોતાના પરિવારને એકજૂથ રાખવાનો પૂરો પ્રયાસ કરે છે.

મોટા પાયે નિર્માણ પામેલા આ ટ્રેલરમાં ભાગલાનું દર્દ, ઊંડી ભાવનાઓ અને ભવ્‍ય વિઝ્‍યુઅલ્‍સ જોવા મળે છે. આ ફિલ્‍મ માત્ર એ કરૂણાંતિકાને જ નથી દર્શાવતી, પરંતુ એવા સામાન્‍ય લોકોની વાર્તા પણ સામે લાવે છે જેમણે આટલા મુશ્‍કેલ સમયમાં પણ પોતાની માનવતા, અપનાપન અને હિમત જીવંત રાખ્‍યા હતા. શબાના આઝમી, સની દેઓલ, પ્રીતિ ઝિન્‍ટા અને અન્‍ય કલાકારોના ઉત્‍કૃષ્ટ અભિનયના બળે ‘બટવારા ૧૯૪૭‘ એક એવો સિનેમેટિક અનુભવ આપવાનું વચન આપે છે, જે ફિલ્‍મ પૂરી થયા પછી પણ લાંબા સમય સુધી પ્રેક્ષકોના દિલ અને મગજમાં ઘર કરી રહેશે.

આ ફિલ્‍મમાં શબાના આઝમી, સની દેઓલ, પ્રીતિ ઝિન્‍ટા ઉપરાંત કરણ દેઓલ, અલી ફઝલ અને અભિમન્‍યુ સિહ જેવા પ્રતિભાશાળી કલાકારો પણ જોવા મળશે. ખાસ વાત એ છે કે લગભગ ૩૦ વર્ષ બાદ રાજકુમાર સંતોષી અને સની દેઓલની હિટ જોડી ફરી એકવાર સાથે આવી છે.

આમિર ખાન પ્રોડક્‍શન્‍સના બેનર હેઠળ બનેલી ‘બટવારા ૧૯૪૭‘નું નિર્દેશન રાજકુમાર સંતોષીએ કર્યું છે. ફિલ્‍મનું સંગીત એ. આર. રહેમાન એ આપ્‍યું છે, જ્‍યારે ગીતો જાવેદ અખ્‍તર એ લખ્‍યા છે. આ ફિલ્‍મને આમિર ખાન અને અપર્ણા પુરોહિત એ પ્રોડ્‍યુસ કરી છે. ‘બટવારા ૧૯૪૭‘ ૧૪ ઓગસ્‍ટ ૨૦૨૬ના રોજ વિશ્વભરના સિનેમાઘરોમાં રિલીઝ થશે.